| |
| Ontwikkelaar | WhatsApp Inc. |
|---|---|
| Aanvanklike vrystelling | 2009 |
| Bedryfstelsel | iOS, Android, Windows Phone, BlackBerry OS, BlackBerry 10, Windows Phone, Nokia Series 40, Symbian |
| Beskikbaar in | Enige taal |
| Kategorie | Boodskapdiens |
| Lisensie | Eiendom |
| Webblad | www.whatsapp.com |
WhatsApp is 'n kitsboodskapdiens vir slimfone en uitgesoekte funksieselfone wat van die internet gebruik maak vir kommunikasie. Benewens kort teksboodskappe (SMS'e), kan gebruikers beelde, videogrepe en klankboodskappe aan mekaar stuur, sowel as hul plek aandui met behulp van die geïntegreerde karteringsfunksies.
WhatsApp, Inc. is in 2009 gestig deur die Amerikaners Brian Acton en Jan Koum (ook die hoof- uitvoerende beampte), albei voormalige werknemers van Yahoo!, en is gebaseer in Mountain View, Kalifornië.[1] Die maatskappy het 55 werknemers en is oorgeneem deur Facebook, Inc., wat sy verkryging van WhatsApp, Inc. vir $19,3 miljard op 19 Februarie 2014 aangekondig het.[2]
In 'n bloginskrywing in Desember 2013 beweer WhatsApp hy het elke maand 400 miljoen aktiewe gebruikers.[3] Op 22 April 2014 het WhatsApp meer as 500 miljoen maandelikse aktiewe gebruikers gehad; 700 miljoen foto's en 100 miljoen video's is in dié tyd elke dag gedeel. Dit het in 2014 elke dag meer as 10 miljard boodskappe hanteer.[4]
Dit het die wêreld se gewildste boodskaptoepassing in 2015 geword,[5][6], en het meer as 2 000 000 000-gebruikers wêreldwyd vanaf Februarie 2020.[7] Dit het die primêre middel van elektroniese kommunikasie in verskeie lande en plekke geword, waaronder Latyns-Amerika, die Indiese subkontinent en groot dele van Europa en Afrika. [5]
Verwysings
- ↑ Eric, Jackson (3 Desember 2012). "Why Selling WhatsApp To Facebook Would Be The Biggest Mistake of Jan Koum's and Brian Acton's Lives". Forbes (in Engels). Geargiveer vanaf die oorspronklike op 29 Mei 2020. Besoek op 3 Mei 2013.
- ↑ Facebook to Acquire WhatsApp, 19 Februarie 2014, http://newsroom.fb.com/News/805/Facebook-to-Acquire-WhatsApp
- ↑ Jan Koum (19 Desember 2013). "400 Million Stories". WhatsApp Blog (in Engels). WhatsApp. Geargiveer vanaf die oorspronklike op 15 Mei 2019. Besoek op 17 Januarie 2014.
- ↑ Amit Chowdhry, "WhatsApp Hits 500 Million Users", Forbes, http://www.forbes.com/sites/amitchowdhry/2014/04/22/whatsapp-hits-500-million-users/, besoek op 14 Mei 2014
- ↑ 5,0 5,1 Metz, Cade (5 April 2016). "Forget Apple vs. the FBI: WhatsApp Just Switched on Encryption for a Billion People". Wired. Geargiveer vanaf die oorspronklike op 5 April 2016. Besoek op 5 April 2016.
- ↑ Leo Sun (11 September 2015). "Facebook Inc.'s WhatsApp Hits 900 Million Users: What Now?". The Motley Fool (in Engels). Geargiveer vanaf die oorspronklike op 14 Oktober 2015. Besoek op 21 Oktober 2015.
- ↑ "WhatsApp Blog". WhatsApp.com (in Engels). Geargiveer vanaf die oorspronklike op 10 Maart 2020. Besoek op 14 Februarie 2020.
Eksterne skakels
Wikimedia Commons het meer media in die kategorie WhatsApp.- (af) Amptelike webwerf
| Hierdie artikel is in sy geheel of gedeeltelik vanuit die Engelse Wikipedia vertaal. |
