Ocean

Powjerch Atlantiskego oceana.

Ako ocean (ze starogrichišćiny Ὠκεανὸς („Okeanos“), wokoło zemskeje platśu běžeca wjelika rěka, personifikacija ako antikskego Boga Okeanos) pomjenjuju se nejwětše mórja swěta – wótergi wužywa se teke synonym swětowe mórjo.

Połoženje

Cełkownje 71 % zemskego powjercha su z mórjami (oceanami a pódlańskimi mórjami) pókšyte. Wóni koncentěruju se na wódnej hemisferje, kótarejež centrum we wjelickem Pacifiku blisko Nowoseelandskeje lažy. Na napśeśiwnej krajnej hemisferje laže jano Atlantiski ocean, Arktiski ocean a źěle Pódpołdnjowego oceana kaž teke Indiskego oceana.

Rozdźělenje oceanow

Cełkownje eksistěruju pěś oceanow:

• Arktiski ocean (Pódpołnocne polarne mórjo),
• Atlantiski ocean (Atlantik),
• Indiski ocean (Indik),
• Śichy ocean (Pacifik) a
• Antarktiski ocean (Pódpołdnjowe polarne mórjo).