黃楚標
| 黃楚標 | |
|---|---|
 | |
| 國籍 | 中華人民共和國  |
| 職業 | 企業家 |
[改維基數據] | |
黃楚標（Wong Cho Bau, Bill）（男），係個中國大亨，身負中共政職（港區全國政協委員）[1]，户籍香港特別行政區。由於渠喺深圳商界成就顯赫，有傳媒畀咗「深圳王」同「深圳李嘉誠」等稱號過渠。
經歷
[編輯]黃楚標係廣東潮陽人，3歲去香港定居，1960年代徙置區居民。中學三年級輟學，26歲同哥哥創業。
1980年代中國大陸改革開放之後，黃楚標喺1985年成立深圳特區東海集團，做地產同酒店等幾行。
2011年入股玩香港數碼廣播，涉足香港新聞業。2012年，香港《新晚報》復刊，有傳聞指初步投資額達三億港紙，黃楚標係金主之一。[2][3]
賄賂香港特首案件
[編輯]喺處理曾蔭權涉貪案期間，香港政府（執法傍司法部門）一直陳述黃楚標屬行賄方，而曾蔭權係對應嘅受賄者。由向外界公布嘅消息之中得知，官府只拈過黃一次——廉政公署去渠喺香港嘅屋企同辦公室攞文件，同向黃問話，黃揾來大狀來陪住兼保持緘默無錄口供，其後案件調查嘅多數日子，黃都身處大陸。與此同時，曾就被香港政府拉咗去審，後來有條罪告得入，重要坐監。香港政府自從同黃有上述接觸之後，就案件一直齋郁曾，唔揩黃（甚至無列作證人或被告）。即使喺曾係罪犯嗰段長時間（初頭定罪同後來上訴得直罪名甩澌之間），黃喺中共同香港嘅官商職務一樣無受影響。政府重罰受賄者而唔多打攪行賄者嘅奇怪做法，令傳媒疑惑。[4]
政治立場
[編輯]佢係香港親中派一員。
選舉及提名經歷
[編輯]喺2016年，佢成為香港特别行政區選舉委員會政協委員。之後，佢有份提名林鄭月娥參與2017年香港行政長官選舉[5]。
喺2021年9月，佢成為香港特别行政區選舉委員會委員(港區全國政協委員)[6]。
部分公職
[編輯]獎項
[編輯]睇埋
[編輯]攷
[編輯]- ↑ 〈结束乱象、改善民生、发展经济——港区代表委员持续发声支持完善香港选举制度-新华网〉。www.xinhuanet.com。喺2021-05-01搵到。
- ↑ 〈隔牆有耳：黃楚標密謀買起《新晚報》 - 李八方 ｜ 蘋果日報〉。《Apple Daily 蘋果日報》 (香港中文)。原先內容歸檔喺2021-12-12。喺2021-05-11搵到。
- ↑ 〈趕在立會選戰前發行免費報 《新晚報》復刊為左派催票 ｜ 蘋果日報〉。《Apple Daily 蘋果日報》 (香港中文)。原著喺2021-06-22歸檔。喺2021-05-11搵到。
- ↑ 〈曾蔭權涉貪案 為何沒傳召關鍵人物黃楚標？ - 香港經濟日報 - TOPick - 新聞 - 法庭〉。topick.hket.com。原先內容歸檔喺2021-05-01。喺2021-05-01搵到。
- ↑ 〈林鄭提名名單 - 香港文匯報〉。paper.wenweipo.com。喺2024-03-30搵到。
- ↑ 〈一文睇清1448名新選委全名單〉。《香港文匯網》 (中文)。喺2022-08-11搵到。
- ↑ 〈香港島各界聯合會〉。hkisland.org。喺2024-06-21搵到。
- ↑ 〈城大頒授榮譽院士銜予四位傑出人士〉 (新聞稿) (繁體中文)。香港城市大學。2011年9月22號。原先內容歸檔喺2020年3月15號。喺2020年3月12號搵到。
- ↑ 〈榮譽院士黃楚標先生〉 (PDF) (繁體中文)。香港城市大學。原先內容歸檔 (PDF)喺2020年3月15號。喺2020年3月12號搵到。
出面網頁
[編輯]- 顧問 | Advisors—顧問 2019－2021，民主建港協進聯盟