肺
 |
| 肺 | |
|---|---|
   | |
| 生理 | |
| 屬於 | 呼吸系統 |
| 位置 | 胸腔 |
| 識別碼 | |
| UBERON ID | 0002048 |
| TA | A06.5.01.001 |
[改維基數據] | |
肺係唔少動物用來唞氣嘅內臟，喺胸腔內，縱隔兩側，左右各異。海納螈（Hynerpeton bassetti）可能係第一種有肺嘅動物。
人肺
[編輯]由外界空氣中吸入氧，令氧氣入到肺部嘅血液，再運到身體各部份使用。另一方面，肺部血液裏嘅二氧化碳則滲透到氣泡裏面，再排出體外。
人肺臟共有五塊肺葉，右肺寬而短，有三片肺葉，左肺窄而長，有兩片肺葉。兩肺之間有心臟同大血管、氣管、食道等器官。肺嘅下面被膈同埋腹腔臟器隔開。
肺表面有漿膜（即臟胸膜），光滑而濕潤。肺柔軟而有彈性，肺入面有空氣，呈海綿狀。肺嘅色水隨年齡同職業而有唔同，BB嘅肺係淡藍；有啲大人由於不斷吸入煙，沉積喺肺而呈暗灰並有黑色斑點；老人家色水重黑。
中醫
[編輯]中醫認為「肺主氣，心主血，氣為血之帥」、「肺朝百脈，助心行血」，指肺能令百脈之氣血好似潮水咁、有規律噉週期運行。