Bruges (Gironde)

Bruges

Bruges en oumligg'nde gemêentn 44° 53' N, 0° 36' W
Geografie
Regio	Nouvelle-Aquitaine
Departement	Gironde
Arroundissement	Bordeaux
Kanton	Le Bouscat
Coördinoatn	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	14,22 km²
Inweuners
Inweuners Bevolkiengsdichtheid	18.037 (2016) 1268 inw./km²
Andere
Burgemêester	Brigitte Terraza
Postcode	33520
Webadres	Site van de gemêente Bruges

Bruges es 'n gemêente in't departement Gironde in de regio Nouvelle-Aquitaine in't zuudwestn van Vrankryk. 't Es 'n veurstad van Bordeaux, o de nôordkantn van 't center van 't stad zelve. 't Grenst an de gemêentn Le Bouscat, Eysines, Blanquefort en an Bordeaux zelve. Nie verre o d'ôostkantn lôopt de riviere de Garonne. Inweuners van Bruges word'n Brugeais enoemd.

In Bruges ester ôok e stoasje an d'yzerboane tusschn Bordeaux en de plekk'n van de regio van de Médoc, mêer noa 't nôordwestn toe. Twèis deur de gemêente lôopt ôok d'A630-ottostroade (die dêel uutmakt van d'Europeesche E5), zynde de rienk round Bordeaux.

Noame

Oloewel daj't meschiens zo kunn'n peinz'n, èit 't Fransche Bruges etymologisch geziene niet'n van doen mè Brugge. De noame van 't West-Vlamsche Brugge komt van't Oudnôorsche bryggja wa "landiengsplatse" of "anlegkoaie" wilt zeggn. De noame van't Fransche Bruges wos ôorsprounkelyk Broia ofte Bruia wa zo kunn'n komm'n van't Keltische vroika of 't Gallo-Romeinsche brūca woamee da't kruud van en heide wierd aangeduud ("bruyère" in't Frans).

Beziensweirdigeedn

't Moeras van Bruges, e nateurgebied van 262 ectoarn
't Château de Treulon, erkend lyk istorisch monument sedert 1962
De Sent-Pierrekerke uut de dertiende êeuwe, erkend lyk istorisch monument sedert 1956
De Sent-Germainekapelle
De Sente-Mariekapelle