San Tome (lidn)

San Tome
São Tomé

Lidnanznam	Flag
Valdkund	San Tome da Prinsipi
Eläjiden lugu (2015)	71,868 ristitud
Pind	17 km²
Telefonkod	+239-
Aigvö	UTC+0

Sil sanal voib olda toižid znamoičendoid; miše nähta niid, tulgat tänna.

Lidnan nägu Man kaimdajaspäi (2006)

San Tome (port.: São Tomé) om San Tomen da Prinsipin pälidn da kaikiš suremb lidn. Se om San Tomen agjan i Agua-Grande ümbrikon administrativižeks keskuseks mugažo.

Istorii

Eländpunktan aluz om pandud rahvahatomal sarel vl 1493. Žilo šingotaškanzihe saharan tehmižel i orjantorguindal, sai lidnan oiktusid vl 1525. Sar' da lidn oma nimitadud ph. Homoin oiktastuseks. San Sebastjan-lidnuz om saudud vl 1575. Vs 1975 heinkun 12. päiväspäi om ripmatoman valdkundan pälidnaks.

San Tome šingotase valdkundan holitišil, sömtegimištol (kalan, kofen i kakaon ümbriradmine), eksportan meriportal.

Geografijan andmused

Lidn sijadase ühtennimižen saren-vulkanan pohjoižpäivnouzmas, Atlantižen valdmeren randal, 137 m ü.m.t. keskmäižel korktusel. Matkad ekvatorhasai om 40 km suvhe.

Klimat om tropižen savannan. Kun keskmäine lämuz om +24...+26 C°. Ekstremumad oma +13 C° i +34 C°. Paneb sadegid 885 mm vodes, enamba redukus-semendkus (81..131 mm kus), kuiv sezon oleskeleb kezakus-sügüz'kus (0..19 mm kus).

Eläjad

Vl 2005 eläjiden lugu oli 56 166 ristitud. Kaikiš suremb lidnan ristitišt om nügüd', valdkundan läz koumandest.

Eläjiden koume nelländest oma katolikad, kümnendez — hristanuskojad, toižed 15 % ristituid oma toižiden religijoiden polenpidajad i religijatomad.

Transport

Rahvahidenkeskeine civiline San Tome da Prinsipi-lendimport (TMS / FPST, 10 tuhad passažiroid vl 2004) radab vides kilometras pohjoižhe lidnan keskusespäi. Tehtas reisid nenihe lidnoihe: Prinsipi, Librevil', Lissabon, Luand.

Joganedal'ne ehtatim ühtenzoitab lidnad Kabo Verdenke.