ВИТАМИН Е
ВИТАМИН Е — медицинада ону токоферол деп-даа адаар. Е витамин эът-мага-ботка углевод, белок, үстерниң солчуушкунунга эң чугула витамин болуп турар.
Шыңган эъттерни күш кииреринге, ол ышкаш уруг савазының шыңган эъттериниң хан эргилиишкининге эки хамаарылгалыг болганы-биле сааттыг херээжен кижилерниң байдалын Е витамин дыка быжыглаар шынарлыг. Дуржулгалардан алгаш көөрге, Е витамиң эр азы херээжен үрелерниң боттанып тургусгунарынга, каттыжарынга, эр, херээжен органнарны күш кииреринге аажок дээштиг болуп турар. Е витамин ногаан горох, сула, кызыл-тас, кукуруза, тарымал болгаш тайга тооруктары дээш өске-даа үнүштерниң үстеринде кончуг хөй. Улуг кижиниң хонукта Е витаминге хереглели 20—30 мг-га деңнежир. Е витаминниң организмге чедишпезинден шыңган эъттерниң, нерви системазының, эр, херээжен органнарның кошкап, сулараары дээш өске-даа аарыглар тыптыр. Бо мындыг янзылыг аарыгларның бажын билир эми Е витамин болур дээрзи билдингир ышкажыл.
Дөзү
[эдер | вики-сөзүглелди эдер]- Доржу Көк-оолович Куулар, Тана Моңгушевна Куулар - "ЛЕКАРСТВЕННЫЕ РАСТЕНИЯ В ТУВЕ"