3. Januoar

Die 3. Januoar is ätter dän gregorioansken Kalänner die trääde Dai fon't Jier, somäd blieuwe noch 362 Deege bit tou dät Eende fon't Jier, blw. 363 in n Skaltjier.

Foarfaale

• 1777: In dän Amerikoansken Uunouhongegaidskriech kumt dät tou ju Slacht fon Princeton, do ju Kontinentoal-Armee fon do Trättien Kolonien unner Generoal George Washington ju Uurwinnenge juun britiske un hessiske Troppen unner Charles Cornwallis roaket.
• 1795: In aan Ferdraach twiske Ruslound, Prüüsen un Aastriek wäd ju trääde Deelenge fon Polen uuthonneld.
• 1833: Do Briten roakje truch ne Flotten-Statsjoonierenge ju Heerskup uur do Falklound-Ailounde.
• 1848: Joseph Jenkins Roberts wäd die eerste Präsident fon dän näi gruundeden Stoat Liberia.
• 1851: Die frantsööske Physiker Léon Foucault fiert in dän Käller fon sien Huus foar't eerste Moal n Experiment mäd dän Foucault'sken Slinger truch, mäd dän hie ju Traalenge fon uus Äide ätterwiese kon.
• 1958: In do Wäästindiske Ailounde sluute sik een Riege fon britiske Kolonien tou ju Wäästindiske Föderatsjoon touhoope.
• 1990: In dän Ferloop fon een US-Invasion in Panama wäd die Diktoatoor Manuel Noriega truch Krääfte fon do Fereende Stoaten fon Amerikoa fäästnuumen.
• 1999: Die Mars Polar Lander, ne Ruumte-Sonde fon ju NASA, wäd in ju Gjuchte fon dän Mars skeeten.
• 2020: Ap Befeel fon US-Präsidänt Donald Trump skjut een Droane Raketen ap aan Woain-Konvoi ap dän Lufthoawen fon Bagdad. Deerbie wäide die iroanske Divisions-Kommander Qasem Soleimani, die irakisk-iroanske Milizen-Fierder Abu Mahdi al-Muhandis un touminst fieuw uur Ljuude uumebroacht. Unner do Doodes-Offere waas toun Biespil uk aan sivilen Lufthoawen-Oarbaider, die sik tichtebie apheelt.

Tou Waareld keemen

• 106 f. Kr.: Marcus Tullius Cicero, roomsken Politiker un Räidner.
• 1829: Konrad Duden, düütsken Philologe, Uutreeker fon dät eerste düütske Gjuchtskrieuw-Woudebouk.
• 1887: August Macke, düütsken Moaler fon dän Expressionismus
• 1892: J. R. R. Tolkien, britisken Skrieuwer un Philologe.
• 1946: Antoine Audo, syrisken Biskop
• 1946: Tadeusz Kondrusiewicz, wietrusken roomsk-katoolsken Erzbiskop
• 1969: Michael Schumacher, düütsken Ronfierder un Waareldmääster in ju Formel 1.
• 2003: Greta Thunberg, sweediske Klimaskuts-Aktivistinne

Stuurwen

• 1927: Carl Runge, Mathematiker
• 2020: Mary Mercury Roth, US-amerikoanske Chemikerske
• 2020: Qasem Soleimani, iroansken Divisions-Kommandeur
• 2020: Abu Mahdi al-Muhandis, irakisk-iroansken Milizen-Fierder
• 2021: Gerry Marsden, britisken Sjunger, Musiker un Wiedkieker-Moderator
• 2021: Renate Lasker-Harpprecht, Skrieuwerske, Journalistinne un Uurlieuwjende fon dän Holocaust