Akalsyum
Akalsyum iga yan ublkim ittyawssan is illa bahra ɣ wuxsan d iɣsan d ufṛẓẓu n tglay, dars daɣ yat tilalt n urqqas ɣ ugʷns n tɣrast, Iṭṭaf tamatart n "Ca" ig wuṭṭun nns ablkam Z=20, ikcm ilmma ɣ tgrumma n id waṛẓan ikalann-ilqalann, imma amarku nns ablkam ilkm m=40,078u. Iga aṛẓan wis kṛaḍ lli akkʷ yujadn ɣ tfrkki n wakal, iqquṛ f Wasudyum ilggʷaɣ f Waluminyum.
Akalsyum d yan ublkim ittɣawsan i tudrt n ufgan wa ixṣṣa ad gis yili ɣ idammn nns mad ittggan yan unck illan gr 2,2 mmol/L d 2,6 mmol/L, ammaẓ ɣ yan unck yasstwan iga ilmma yan umsaras imqqurn, acku yadda kra iga tt amukris illan ɣ unck ad ar israg ɣ icabukn ɣ wul ula ɣ ungraw anamag ula ɣ tgẓẓal niɣ d akkʷ ɣ ungraw anzllum.
Illa ukalsyum ɣ imɣayn akkʷ, iqqan tn d ɣ tgmi, ar t daɣ nttafa ɣ id bu usnsul s kṛaḍ talɣatin: Aflyurur n ukalsyum, Afuṣfaṭ n ukalsyum, Akaṛbunat n ukalsyum. [1]
Ifi
[ssnfl | Snfl asagm]Sɣ tasut izwarn n uzmz nnɣ, aknkil (CaO) ar t yadlli skarn Iṛumaniyn, ar asggʷas 1808, yan urgaz ism as Dabi iẓḍaṛ ad iẓli aṛẓan wa izddign.
Tanqqiḍt n ufsay n waṛẓan n ukalsyum tga 842 taskflt n Silsus.
Ɣ tɣssa n ufgan
[ssnfl | Snfl asagm]Uggar n 98% n Ukalsyum n ufgan iḥḍa as ɣ iɣsan nns, 2% lli d yagurn ar ittazzal ɣ idammn nns, gis 50% tlla s talɣa tayyunit, gis 40% tzdi d kra n ubṛutin (slawan akkʷ win Walbimin), awa 10% tkcm d kra n uniyyun (Fuṣfaṭ niɣ Sitrat niɣ d Bikaṛbunat). Maccan xtalli gisn icṛmḍn ɣ idis Abyuluji tga tt tabrzzuyt tayyunit.
Amyas n unck nns ɣ idammn isdu s umussu n Ukalsyum ɣ uswir n iɣss d imnɣal (ibẓḍan) d wadan.
Amuzr n imussutn ad ittgli s kṛaḍ n uṛmunn, ad tn igan d: Uṛmun n ubaṛatuṛmun (PTH) d Ufitamin D ittḍin sɣ tgẓẓal d tasa d Ukalsitunin ittḍin sɣ tɣrasin C n twlsist tawznwazant ar issidus assumum n ukalsyum ɣ uswir n wadan.