Blockbuster (azienda)
Limba Sarda Comuna. Abbàida sas àteras bariedades gràficas:
| Blockbuster | |
|---|---|
 | |
 | |
| Logu de fundatzione | Dallas |
| Data de fundatzione | 1985 |
| Serradura | 12 ghennàrgiu 2014 |
| Grupu | Dish |
| Situ web | |
Blockbuster, Inc. est istada una sotziedade de ispainadura istadunidensa, fundada in su 1985 in Dallas (Texas) e fallida in su 2013. Sa faina printzipale sua fiat su nòlitu de produtos home video e videogiogos e, a pustis, in s'ispainadura digitale de càbidos.
A pustis de su fallimentu, subravivet una butega Blockbuster in Bend (Oregon).[1]
Istòria
[modìfica | modìfica su còdighe de orìgine]
Sa prima butega Blockbuster est istada aberta in Dallas, Texas, in su 1985. In is deghe annos imbenientes su nùmeru de butegas in is Istados Unidos est arribadu a 4800. In s'ìnteri, in su 1989, s'azienda at comporadu una cadena inglesa chi esistiat giai e at abertu sa prima butega in Europa. In is annos 1990 Blockbuster at abertu butegas in 25 paisos, comente Canadà, Austràlia, Zelanda Noa, Giapone, Isvìtzera, Britànnia Manna, Portugallu, Danimarca, Israele, Mèssicu, Argentina e Itàlia, in ue est arribada in su 1994 pro mèdiu de una joint venture cun Standa-Fininvest. In su 1994 Blockbuster est comporada dae sa Viacom, una sotziedade de intratenidura e comunicatzione istadunidensa.
Fache a sa fine de is annos 2000 est incumentzadu unu perìodu de crisi manna pro s'azienda. Is dificultades in unas cantas natziones, comente a is Istados Unidos, sunt ligadas a sa resèssida de servìtzios simigiantes comente cuddu ofertu dae sa cuncurrente Netflix. In custu perìodu s'azienda abbandonat luego su mercadu i unos cantos paisos comente Ispànnia e Portugallu; in àteros, comente s'Itàlia, Blockbuster intentat de s'adderetzare sena nche resèssere.[2][3]
Sa dificultade econòmica de Blockbuster sighit fintzas in su 2010, annu in ue arribat sa detzisione de aviare su protzedimentu fallimentare.[4] Su matessi annu s'azienda decrarat bancarota apellende·si a su Capìtulu 11 de sa lege fallimentare istadunidensa, intentende un'assètiu aziendale nou atzentradu prus che totu in sa ispainadura digitale, chi insandus fiat ancora una novidade.[5]
In su 2011 Blockbuster intentat un'aviu nou, cun sa bèndida a Dish Network.[6] In s'ìnteri però annùntziat s'abbandonu de su mercadu canadesu, sighidu in su 2012 fintzas de s'italianu.[7][8] S'annu a pustis Dish Network annùntziat sa serrada de àteras 300 butegas in is Istados Unidos: sa noa ponet fine a un'època, sa de su nòlitu «fìsicu» de produtos audiovisivos.[9]
Dae su 2019 subravivet un'ùnica butega Blockbuster in su mundu, in sa tzitadina de Bend, in Oregon, chi pro is piessìnnios de su logu (pagu pobuladu e duncas pagu connètidu a Internet) sighit in manera positiva s'atividade, agiudada fintzas dae is nostàlgicos chi lompent de foras; mancari impreet su logo e su nùmene de sa cadena, sa butega est autònoma e de propiedade de is gestores suos.[1]
Riferimentos
[modìfica | modìfica su còdighe de orìgine]- ↑ 1.0 1.1 (IT) Come fa a sopravvivere l'ultimo Blockbuster del mondo, in ilpost.it, 7 martzu 2019.
- ↑ (IT) Luca Fornovo, Troppi pirati del dvd, Blockbuster taglia, in lastampa.it, 30 martzu 2008. URL consultadu su 9 abrile 2021 (archiviadu dae s'url originale su 25 martzu 2010).
- ↑ (IT) Blockbuster fallisce. Diventerà una Parafarmacia, in romagnanoi.it, 29 ghennàrgiu 2012. URL consultadu su 9 abrile 2021 (archiviadu dae s'url originale s'8 martzu 2019).
- ↑ (IT) Angelo Aquaro, Blockbuster verso fallimento per colpa di internet, in repubblica.it, 21 martzu 2010.
- ↑ (IT) Blockbuster dichiara bancarotta, in lastampa.it, 23 cabudanni 2010. URL consultadu su 9 abrile 2021 (archiviadu dae s'url originale su 24 cabudanni 2010).
- ↑ (EN) Ben Fritz, Dish Network wins bidding for assets of bankrupt Blockbuster, in articles.latimes.com, 7 abrile 2011. URL consultadu su 28 ghennàrgiu 2012.
- ↑ (EN) Blockbuster Canada to close remaining stores, in cbc.ca, 31 austu 2011.
- ↑ (IT) Corinna De Cesare, Chiude Blockbuster Italia, l'annuncio ufficiale sul sito internet: "Grazie a tutti", in corriere.it, 5 làmpadas 2012.
- ↑ (IT) Chiude l'ultimo Blockbuster degli States, finisce l'era dell'affitto «fisico» di dvd e vhs, in corriere.it, 6 santandria 2013.
| Controllu de autoridade | VIAF (EN) 141166849 · ISNI (EN) 0000 0000 9572 4386 · LCCN (EN) nr94015137 · MusicBrainz 5956d29b-5ded-405e-a201-7d4d44164b98 · WorldCat Identities (EN) nr94-015137 |
|---|