ᱚᱱᱚᱬᱦᱮᱸ
ᱚᱱᱚᱬᱦᱮᱸ ( ᱤᱝᱞᱤᱥ ᱛᱮ Poetry) ᱫᱚ ᱥᱟᱶᱦᱮᱫ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱡᱟᱦᱟᱸ ᱨᱮ ᱪᱚᱨᱚᱠ (aesthetic) ᱪᱷᱟᱸᱫᱟ (rhythmic) ᱮᱢᱟᱱ ᱧᱮᱞᱚᱜ-ᱟ ᱾ ᱤᱝᱞᱤᱥ ᱨᱮᱭᱟᱜ ᱯᱚᱭᱮᱴᱨᱤ ᱟᱹᱲᱟᱹ ᱫᱚ ᱜᱽᱨᱤᱠ ᱟᱹᱲᱟᱹ (poiesis) ᱠᱟᱱᱟ ᱡᱟᱦᱟᱸ ᱨᱮᱭᱟᱜ ᱢᱮᱱᱮᱛ ᱫᱚ ᱵᱮᱱᱟᱣ ᱵᱩᱡᱷᱟᱹᱣᱜ-ᱟ ᱾ [᱑][᱒][᱓] ᱚᱱᱚᱬᱦᱮᱸ ᱠᱚᱫᱚ ᱯᱨᱚᱛᱤᱠ ᱫᱷᱚᱨᱚᱢ ᱨᱮᱭᱟᱜ, ᱱᱟᱯᱟᱭ ᱟᱸᱡᱚᱢᱚᱜ-ᱟ ᱟᱨ ᱪᱷᱟᱸᱫᱟ ᱛᱟᱦᱮᱸᱱ ᱞᱟᱹᱠᱛᱤ ᱾
ᱱᱟᱜᱟᱢ ᱚᱞᱚᱜ ᱢᱟᱬᱟᱝ ᱠᱷᱚᱱᱟᱜ ᱥᱟᱶᱦᱮᱫ ᱨᱮᱭᱟᱜ ᱫᱚ ᱟᱹᱰᱤ ᱡᱤᱞᱤᱧ ᱱᱟᱜᱟᱢ ᱢᱮᱱᱟᱜ-ᱟ ᱡᱟᱦᱟᱸ ᱫᱚ ᱟᱯᱷᱨᱤᱠᱟ ᱨᱮᱭᱟᱜ ᱥᱤᱠᱟᱨ ᱚᱱᱚᱬᱦᱮᱸ ᱟᱨ ᱞᱤᱞ (Nile) ᱥᱚᱥᱱᱚᱜ ᱨᱮ , ᱱᱟᱭᱡᱚᱨ (Niger) ᱟᱨ ᱵᱷᱚᱞᱴᱟ ᱜᱟᱰᱟ ᱟᱲᱮ ᱨᱮ ᱟᱸᱡᱚᱢᱚᱜ ᱠᱟᱱ ᱛᱟᱦᱮᱸᱫ ᱾ [᱔] ᱯᱤᱨᱟᱢᱤᱰ ᱠᱷᱚᱫᱟ ᱨᱮ (Pyramid Texts) ᱟᱯᱷᱨᱤᱠᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱚᱱᱚᱬᱦᱮᱸ ᱧᱮᱞᱚᱜ-ᱟ ᱡᱟᱦᱟᱸ ᱫᱚ ᱠᱷᱨᱤᱥᱴᱚ ᱯᱩᱨᱵᱚ ᱒᱕᱐᱐ ᱥᱟᱞ ᱨᱮ ᱚᱞ ᱞᱮᱱᱟ ᱾ ᱚᱱᱟ ᱠᱷᱚᱱᱟᱜ ᱮᱯᱤᱠ ᱚᱯ ᱥᱚᱱᱰᱟᱭᱮᱴ (Epic of Sundiata) ᱧᱩᱛᱩᱢᱟᱱᱟᱜ ᱠᱟᱱᱟ ᱾ ᱱᱚᱣᱟ ᱫᱚ ᱜᱨᱤᱭᱚᱴ (griot) ᱨᱟᱡᱽ ᱥᱚᱵᱷᱟ ᱚᱱᱚᱬᱦᱮᱸ ᱛᱟᱦᱮᱸ ᱠᱟᱱᱟ ᱾ ᱢᱟᱨᱮᱱᱟᱜ ᱚᱱᱚᱬᱦᱮᱸ ᱠᱷᱚᱱ ᱧᱩᱛᱩᱢᱟᱱᱟᱜ ᱠᱚᱫᱚ ᱦᱩᱭᱩᱜ ᱠᱟᱱᱟ ᱥᱩᱢᱮᱨᱤᱭᱟᱱ ᱯᱟᱹᱨᱥᱤ ᱨᱮᱭᱟᱜ (Sumerian|) ᱮᱯᱤᱠ ᱠᱟᱹᱦᱱᱤ, ᱮᱯᱤᱠ ᱚᱯ ᱜᱤᱞᱜᱚᱢᱮᱥ (Epic of Gilgamesh) ᱮᱢᱟᱱ ᱾ ᱭᱩᱨᱮᱥᱤᱭᱟ ᱢᱟᱦᱟᱫᱮᱥ (Eurasia) ᱨᱮ ᱦᱚᱲ ᱥᱮᱨᱮᱧ ᱠᱷᱚᱱᱟᱜ ᱚᱱᱚᱬᱦᱮᱸ ᱮᱦᱚᱵ ᱞᱮᱱᱟ ᱾ ᱛᱤᱱᱟᱹᱜ ᱜᱟᱱ ᱢᱟᱨᱮ ᱚᱱᱚᱬᱦᱮᱸ ᱨᱮᱭᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱪᱤᱱ ᱯᱟᱹᱨᱥᱤ ᱨᱮᱭᱟᱜ ᱠᱞᱟᱥᱤᱠ ᱚᱯ ᱯᱚᱭᱮᱴᱨᱤ (Shijing); ᱥᱚᱸᱥᱠᱨᱩᱛ ᱯᱟᱹᱨᱥᱤ ᱨᱮᱭᱟᱜ ᱵᱮᱫᱚ (Sanskrit en:Vedas), ᱡᱚᱨᱚᱥᱴᱤᱭᱟᱱᱟᱜᱟ ᱜᱚᱛᱷᱚᱥ (Zoroastrian Gathas), ᱦᱚᱢᱚᱨᱟᱜ (Homer) ᱤᱞᱤᱭᱟᱰ (Iliad) ᱟᱨ ᱚᱰᱤᱥᱮ (Odyssey) ᱮᱢᱟᱱ । ᱢᱟᱨᱮ ᱜᱨᱤᱠ ᱨᱮ ᱟᱨᱤᱥᱴᱚᱴᱚᱞᱟᱜ (Aristotle) ᱯᱚᱭᱮᱴᱨᱤᱠ ᱰᱨᱟᱢᱟ ᱨᱮ ᱥᱮᱨᱮᱧ ᱟᱨ ᱵᱷᱚᱲᱚᱠ ᱥᱮᱨᱮᱧ ᱨᱮ ᱚᱱᱚᱬᱦᱮᱸ ᱵᱮᱵᱷᱟᱨ ᱞᱮᱱᱟ ᱾ ᱛᱟᱭᱚᱢ ᱛᱮ ᱚᱱᱚᱬᱦᱮᱸ ᱨᱮ ᱪᱷᱟᱸᱫᱟ, ᱫᱷᱟᱹᱲ ᱮᱢᱟᱱ ᱪᱮᱛᱟᱱ ᱨᱮ ᱡᱩᱨ ᱮᱢ ᱮᱱᱟ ᱾
ᱚᱱᱚᱬᱦᱮᱸ ᱨᱮ ᱟᱹᱲᱟᱹ ᱠᱚᱫᱚ ᱢᱤᱫ ᱵᱷᱮᱜᱟᱨ ᱵᱷᱟᱵᱽ ᱛᱮᱠᱚ ᱥᱟᱡᱟᱣ ᱠᱚᱜ-ᱟ ᱡᱮᱢᱚᱱ ᱢᱤᱫ ᱵᱷᱮᱜᱟᱨ ᱢᱮᱱᱮᱛ ᱵᱟᱝᱢᱟ ᱵᱷᱟᱵᱽ ᱯᱮᱨᱮᱡ ᱢᱮᱱᱮᱛ ᱨᱟᱠᱟᱵ-ᱟ ᱾ ᱛᱟᱭᱚᱢ ᱛᱮ ᱨᱟᱦᱟ ᱨᱮᱭᱟᱜ ᱢᱤᱱᱤᱫ (assonance) ᱚᱱᱩᱯᱨᱟᱥ (alliteration), ᱥᱟᱰᱮ ᱠᱩᱫᱟᱣ (onomatopoeia) ᱟᱨ ᱢᱤᱫ ᱛᱟᱲ ᱨᱮ (rhythm) ᱧᱩᱨᱩᱜ ᱠᱟᱱ ᱚᱱᱚᱬᱦᱮᱸ ᱚᱞ ᱮᱱᱟ ᱾ ᱯᱨᱚᱛᱤᱠ, ᱵᱷᱚᱲᱚᱠ ᱮᱢᱟᱱ ᱚᱱᱚᱬᱦᱮᱸ ᱨᱮ ᱵᱮᱵᱷᱟᱨ ᱞᱮᱠᱷᱟᱱ ᱮᱴᱟᱜ ᱢᱮᱱᱮᱛ ᱚᱰᱚᱠᱚᱜ-ᱟ ᱾ ᱚᱱᱠᱟ ᱜᱮ ᱨᱩᱯᱚᱠ (metaphor), ᱩᱯᱚᱢᱟ (simile) ᱟᱨ ᱚᱲᱚᱝᱠᱟᱨ ᱵᱟᱝᱢᱟ ᱥᱟᱡᱽ ᱵᱮᱵᱷᱟᱨ ᱞᱮᱠᱷᱟᱱ ᱚᱱᱚᱬᱦᱮᱸ ᱪᱚᱨᱚᱠᱚᱜ-ᱟ ᱾ [᱕]
ᱡᱚᱛᱚ ᱠᱷᱚᱱᱟᱜ ᱢᱟᱨᱮ ᱚᱱᱚᱬᱦᱮᱸ (epic poem) ᱮᱯᱤᱠ ᱚᱯ ᱜᱤᱞᱜᱟᱢᱮᱥ (Epic of Gilgamesh) ᱫᱚ ᱠᱷᱨᱤᱥᱴᱚ ᱯᱩᱨᱵᱚ ᱓᱐᱐᱐ ᱥᱮᱨᱢᱟ ᱢᱟᱨᱮᱭᱟᱜ ᱡᱟᱦᱟᱸ ᱫᱚ ᱢᱮᱥᱚᱯᱚᱴᱟᱢᱤᱭᱟ ᱨᱮᱭᱟᱜ ᱥᱩᱢᱮᱨ ᱛᱷᱟᱱ ᱨᱮ ᱚᱞ ᱞᱮᱱᱟ ᱾ ᱱᱚᱣᱟ ᱫᱚ ᱱᱤᱛ ᱤᱨᱟᱠ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱚᱞ ᱦᱟᱥᱟ ᱴᱟᱵᱽᱞᱮᱴ ᱪᱮᱛᱟᱱ ᱨᱮ ᱛᱟᱭᱚᱢ ᱛᱮ ᱫᱚ ᱯᱟᱯᱤᱨᱚᱥ (papyrus) ᱨᱮ ᱚᱞ ᱞᱮᱱᱟ ᱾ [᱖] ᱡᱤᱥᱩ ᱡᱟᱱᱟᱢᱚᱜ ᱨᱮᱭᱟᱜ ᱒᱐᱐᱐ ᱥᱮᱨᱢᱟ ᱢᱟᱬᱟᱝ ᱨᱮ ᱡᱚᱛᱚ ᱠᱷᱚᱱᱟᱜ ᱢᱟᱨᱮ ᱫᱩᱯᱩᱞᱟᱹᱲ ᱚᱱᱚᱬᱦᱮᱸ ᱚᱞ ᱞᱮᱱᱟ ᱾ ᱚᱱᱟ ᱨᱮ ᱚᱞ ᱢᱮᱱᱟᱜ-ᱟ ᱡᱮ ᱨᱟᱡᱟ ᱦᱤᱨᱚᱥ ᱜᱟᱢᱚᱥ ᱫᱮᱵᱤ ᱤᱱᱟᱱᱱᱟ ᱩᱨᱵᱚᱨᱚᱛᱟ ᱟᱨ ᱚᱭᱤᱥᱚᱨᱡᱚ ᱞᱟᱹᱜᱤᱫ ᱮ ᱵᱟᱯᱞᱟ ᱞᱮᱫᱮᱭᱟ (symbolically married) ᱟᱨ ᱟᱡ ᱥᱟᱶ ᱦᱚᱲᱢᱚ ᱥᱟᱹᱜᱟᱹᱭ ᱮ ᱡᱚᱲᱟᱣ ᱞᱮᱫ-ᱟ ᱾ [᱗][᱘] ᱢᱤᱥᱚᱨ ᱫᱤᱥᱚᱢ ᱨᱮ ᱡᱤᱥᱩ ᱡᱟᱱᱟᱢᱚᱜ ᱨᱮᱭᱟᱜ ᱑᱘᱐᱐ ᱥᱟᱞ ᱢᱟᱬᱟᱝ ᱨᱮ ᱥᱴᱚᱨᱤ ᱚᱯ ᱥᱤᱱᱩᱦᱮ ᱧᱩᱛᱩᱢᱟᱱ ᱚᱱᱚᱬᱦᱮᱸ ᱚᱞ ᱞᱮᱱᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Poetry". Oxford Dictionaries. Oxford University Press. 2013. Archived from the original on 2013-06-18. Retrieved 2019-12-11.
- ↑ "Poetry". Merriam-Webster. Merriam-Webster, Inc. 2013.
- ↑ "Poetry". Dictionary.com. Dictionary.com, LLC. 2013—Based on the Random House Dictionary
{{cite web}}: CS1 maint: postscript (link) - ↑ Oral Literature in Africa, Ruth Finnegan, Open Book Publishers, 2012
- ↑ Strachan, John R; Terry, Richard, G (2000). Poetry: an introduction. Edinburgh University Press. p. 119. ISBN 978-0-8147-9797-6.
{{cite book}}: CS1 maint: multiple names: authors list (link) - ↑ Sanders, NK (trans.) (1972). The Epic of Gilgamesh (Revised ed.). Penguin Books. pp. 7–8.
- ↑ Mark, Joshua J. (13 August 2014). "The World's Oldest Love Poem".
'[...] What I held in my hand was one of the oldest love songs written down by the hand of man [...].'
- ↑ ARSU, SEBNEM. "Oldest Line In The World". New York Times. New York Times. Retrieved 1 May 2015.
A small tablet in a special display this month in the Istanbul Museum of the Ancient Orient is thought to be the oldest love poem ever found, the words of a lover from more than 4,000 years ago.