Biodiversitat

La biodiversitat (o diversitat biologica) es la varietat de la vida sus Tèrra. Se declina en tres nivèls convencionals: la diversitat dels ecosistèmas, la diversitat de las espècias –que compren las relacions intra- e interspecificas–, e las diversitat genetica –es a dire la variabilitat genetica dins una populacion–. La biodiversitat es pròpria a cada sistèma biologic e influençada per de factors biotics e abiotics. Las forèstas tropicalas contenon a l'entorn de 50 % d'espècias dins lo mond.

Segon la teoria de l'evolucion de Darwin, las espècias son lo fruit d'una succession de mutacions a partir d'un ancessor filogenetic comun. La seleccion naturala favoriza la variacions dels allèls, gèns e organismes. Cinc extincions massivas que causan la mòrt de 90 % dels organismes sur Tèrra, an sempre permés l'explosion de la variabilitat de las espècias.