Bintang

Bintang marupokan benda langik nan darinyo tapanca cahayo. Tabagi duo, ado bintang semu jo bintang nyato. Bintang semu adolah bintang nan indak dapek mahasiakan cahayonyo surang, malainkan mandapek pantulan cahayo dari bintang lain. Bintang nyato adolah bintang nan mahasiakan cahayonyo surang. Sacaro umum bintang adolah objek lua angkaso nan mahasiakan cahayonyo surang.

Manuruik ilimu astronomi, definisi bintang adolah:

Sadoalah benda masif (bamassa antaro 0,08 inggo 200 massa matoari) nan tangah jo ado malansuangkan pambangkitan energi malalui reaksi fusi nuklir.

Dek karano itu bintang katai putiah jo bintang neutron nan alah indak mamancakan cahayo atau energi tatap basabuik juo bintang. Bintang paliang dakek ka Bumi adolah Matoari pado jarak sakitar 149.680.000 kilometer, dituruik pulo dek Proxima Centauri dalam rasi bintang Sentaurus bajarak sakitar ampek taun cahayo.