Sorinama
I Sorinama na Sorinamy dia firenena ao Amerika Atsimo manana morontsiraka ao amin' ny Ranomasimbe Atlantika. I Paramaribo no renivohiny sady tanàna lehibe indrindra any. Ny faritr' ora dia -3. Mirefy 163 821 km2 ny velarany ary miisa 566 846 ny mponina ao aminy araka ny fanisana natao tamin' ny taona 2013. Misy vondrom-poko maromaro ny ao Sorinama: ny Indô-Pakistaney (mihoatra ny 35 %), ny Kreôla (mahery kelin' ny 30 %), ny Indôneziana (15 %) ary ny Afrikana mainty hoditra (10 %). Ny hindoisma sy ny kristianisma ary ny silamo no fivavahana be mpanaraka any.
Ny vohon-tanin' i Sorinama dia ahitana lemaka amorontsiraka be honahona any avaratra, sy lembalemba ao afovoan-tany, ary faritra be tendrombohitra rakotra ala mikitroka any atsimo. Renirano maro no mamakivaky an' ity firenena ity.
Ny toekaren' i Sorinama dia mifototra amin' ny harena an-kibon' ny tany (baoksita, vy, varahina ary nikela) ary koa amin' ny fitrandrahana hazo ao amin' ny ala midadasika.
Zanatany neerlandey taloha i Sorinama izay nahazo ny fahalevan-tenany tamin' ny taona 1975.
Jereo koa
[hanova | hanova ny fango]- Firenena ao Amerika: Antigoa-sy-Barboda - Arjentina - Bahamasy - Barbady - Belizy - Bôlivia - Brezila - Dôminika - Ekoadôra - Etazonia - Goatemala - Goiana - Grenady - Haity -Hôndorasy - Jamaîka - Kanada - Kioba - Kôlômbia - Kôsta Rika - Meksika - Nikaragoa - Orogoay - Panama - Paragoay - Però - Pôrtô Rikô - Repoblika Dôminikana - Salvadôro - Santa Losia - Santa-Kity-sy-Nevisy - Santa-Vinsanta-sy-Grenadina - Silia - Sorinama - Trinite-sy-Tôbagô -Venezoela
- Kôntinenta eto an-tany: Afrika - Amerika (Amerika Avaratra - Amerika Atsimo) - Azia - Eorôpa - Ôseania - Antarktika