Sjtasie Houtem-Sint Gerlach
Dit artikel is gesjreve (of begós) in 't Houtems. Laes hie wie v'r mit de versjillende saorte Limburgs ómgaon.
De sjtasie van Houtem-Sint Gerlach lik in Sint Gerlach es sjtasie (halte) op de Heuvellandlien tösje Mestreech en Heerle. 't Geboew dateert van 1903, mèt art-nouveaukènmerke en is opgetrokke in hout. In 1938 woort 't verboewd en gedeiltelik toegetummerd. 't Is 't enigste euvergebleve houte sjtasiegeboew van Nederland.
In vreuger jaore laog in Houtem, ongevaer 'ne kilomaeter nao 't weste, 'n eige halte aan 't sjpoor. De sjtasie heesj toen Sint Gerlach. De halte Houtem woort vervolges de sjtopplaats Vroenhof en de sjtasie Sint Gerlach kreeg toen de naam Houtem-Sint Gerlach. De halte Vroenhof bleef tot 1936 in gebruuk. 'ne Kilomaeter nao 't oaste, bie Geerlingshof in 't gehuch Sjtraobaek, waor 'n halte op verzeuk.
Bie de sjtasie is 'n fietsesjtalling aanwezig. Allein sjtoptreine van Veolia van de Heuvellandlien sjtoppe aan dees sjtasie.