Infeta
Un infeta es la invade de texedas par patojenes, sua multipli, e la reata de la texedas de la ospitor a la ajente infetante e la toxinas cual los produi. Un maladia infetante, ance conoseda como un maladia comunicable, es un maladia resultante de un infeta.
Un varia grande de patojenes pote causa infetas, la plu importante esente baterias e viruses. Ospitores pote combate infetas usante sua sistemes imunial. Ospitores mamal reata a infetas con un responde inata, cual produi frecuente inflama, segueda par un responde adatal.
Alga medisines usada per trata infetas inclui antimicrobiales, antivirusales, antifungales, antiprotozonales, e antielmintales. Maladias infetante ia resulta en 9,2 milion moris en 2013 (sirca 17% de tota moris). La ramo de medica cual foca a infetas es nomida infetolojia.