Husainus filius Alis

Suadetur ut haec commentatio ad "Husainus filius Alis" moveatur. Sententiam tuam, quaesumus, profer in pagina disputationis. English language English It is proposed to move this page to Husainus filius Alis. Please give your opinion on the talk page. Deutsch Deutsch Es wurde vorgeschlagen, diese Seite nach Husainus filius Alis zu verschieben. Um Stellungnahme auf der Diskussionsseite wird gebeten. Esperanto Esperanto Rekomendatas la movo de tiu ĉi paĝo al Husainus filius Alis. Vi estas petata komenti prie en la diskutejo. Haec formula ({{Movenda}}) plus quam 30 dies sine recensionibus in pagina mansit.

Fanum imami Husaini, ubi Husainus sepelitur, die 12 Octobris 2016.

Husainus filius Alis (Arabice plene اَلْحُسَيْنُ بْنُ عَلِيِّ بْنِ أَبِي طَالِبٍ Al-Ḥusayn ibn ʿAliyy ibn ʾAbī Ṭālib) (natus Medinae in Hijaz 10 Ianuarii 626; mortuus Karbalae in regione imperii Omayadarum in Mesopotamia, 10 Octobris 680) fuit nepos Mahometi, prophetae Islamici, et progenies cuiusdam filii Alī ibn Abī Ṭālib et Fatimae, filiae Mahometi. Qui in Islamo est persona magni momenti, quia sodalis erat familiae Mahometi (Ahl al-Bayt) gentisque pallii (Ahl al-Kisā'), ac tertius imamus sectae Siiticae.

Mausoleum imami Husaini Karbalae positum.

Monumentum (Arabice zarih) capitis Husaini in meschita Husaini Cairi in Aegypto.

Homines in urbibus vicisque Iraniae maerorem mense Muhairamo exhibent.

Aedicula capitis Husaini in meschita Omayadarum Damasci.

Inscriptio in minbar meschitae Abrahami Hebroni positum.

Monumentum quod priorem capitis Husaini sepulturam Askeloni monstrat.

Moabia, Omayadarum princeps, Iazidum^? filium successorem moribundus creavit, contra condiciones foederis Hasano-Moabiani. Moabia anno 680 mortuo, Iazidus poposcit ut Husainus fidem ei obligaret; hic autem se obligare recusavit. Ex eo, ad refugium Meccae anno Hegirae 60 petiendum, Medinam reliquit patriam. Contingit ut viri oppidi Kufae litteras ei nunc mittebant, auxilium petentes, seque in verba ei iurantes. Ergo iter ad Kufam facere coepit, cum parvo familiarum et assectatorum commeatu, sed prope Karbalam ei ab exercitu Iazidiano intercepti sunt. Post proelium die 10 Octobris 680 (10 Muhairami 61 AH) habitum, Husainus decollatus est, ac plurimi eius familiae sociorumque necati sunt, Ali al-Asghar, eius filio sex mensibus nato non excepto, mulieribus liberique captivis factis. Ira propter Husainum mortuum proverbium facta est, quod caliphatum Omayadarum labefactare iuvit, et deinde per res novas Abbadisarum evertit.

Annua Husaini et filiorum, familiae, sociorumque commemoratio Muhairamo fit, in primo calendarii Islamici mense, et anniversariá decimae mensis die, cum martyr factus esset, Ashura (die maeroris Musulmanorum Siiticorum) appellatá. Gesta Husainiana ad Karbalam posteriores Siiticorum motus incitaverunt, eiusque mors historiam Islamicam et Siiticam certissime formavit. Eius vita et mors unum ex difficilibus saeculi septimi aevis ornabant. Quo tempore Omayadi in Islamo severe dominabantur, et gesta ipsius suorumque symbolus repugnantiae facta sunt, qui rebelliones futuras contra oppressores et iniustitiam incitaverit. Aliquot personae notabiles, sicut Nelson Mandela et Mahatma Gandhi, Husainum oppressioni restantem exemplum suorum certaminum contra iniustitiam commemoraverint.

Bibliographia

Libri

• Al-Bukhari, Muhammad Ibn Ismail. 1996. The English Translation of Sahih Al Bukhari With the Arabic Text (in English and Arabic). Conversus in Anglicum a Muhammad Muhsin Khan. Al-Saadawi Publications. ISBN 1-881963-59-4.
• Canaan, Tawfiq. 1927. Mohammedan Saints and Sanctuaries in Palestine. Londinii: Luzac & Co.
• Cornell, Vincent J., et Kamran Scot Aghaie. 2007. Voices of Islam. Westport Connecticutae: Praeger Publishers. ISBN 9780275987329. Google Books.
• Dakake, Maria Massi. 2007. The Charismatic Community: Shi'ite Identity in Early Islam. Albaniae Novi Eboraci: SUNY Press. ISBN 0-7914-7033-4.
• Faizí, Abuʼl-Qásim. 1977. The prince of martyrs: a brief account of the Imám Ḥusayn. Oxoniae: Ronald. ISBN 085398073X.
• Gordon, Matthew. 2005. The Rise Of Islam. Greenwood Press. ISBN 0-313-32522-7.
• Halm, Heinz, Janet Watson, et Marian Hill. 2004. Shi'ism. Edimburgi: Edinburgh University Press. ISBN 0-7486-1888-0.
• Madelung, Wilferd. 1997. The Succession to Muhammad: A Study of the Early Caliphate. Cantabrigiae: Cambridge University Press. ISBN 0-521-64696-0.
• Makhdoomi, Rameez. 2015 "Imam Hussain (as) in the light of renowned personalities." News Kashmir Magazine, 25 Octobris 2015. Editio interretialis.
• Mikhnaf, Abou. L’événement de Karbala. Madagascaria: Éditions Booky. ISBN 978-2-37657-001-1.
• Robinson, Chase F. 2010. "The rise of Islam, 600–705." In The new Cambridge history of Islam, volume 1: Sixth to Eleventh Centuries, ed. Chase F. Robinson, caput 5. Cantabrigiae: Cambridge University Press. ISBN 9780521838238 Textus interretialis.
• Tabatabae. 1979. Shi'ite Islam. Conversus in Anglicum a Sayyid Mohammad Hosayn. Suny Press. ISBN 0-87395-272-3.

Encyclopaediae

• Encyclopædia Britannica Online. Encyclopædia Britannica, Inc.
• Encyclopædia Iranica. Center for Iranian Studies, Columbia University. ISBN 1-56859-050-4.
• Encyclopaedia of the Qur'an. Lugduni Batavorum: Brill Publishers. ISBN 90-04-14743-8.
• Encyclopaedia of Islam.

Blog

• Sobelman, Batsheva. "Sacred Surprise behind Israel Hospital." Los Angeles Times.

Nexus externi

• Borhany, Qazi Dr. Shaikh Abbas. 2009. "Brief History of Transfer of the Sacred Head of Hussain ibn Ali, From Damascus to Ashkelon to Qahera." Daily News (Karachi Pakistaniae), 3 Ianuarii 2009.
• "Hussain ibn 'Ali." Encyclopædia Britannica.
• Calmard, Jean. "Hussain ibn 'Ali in popular Shiism." Encyclopædia Iranica.
• Madelung, Wilferd. "Hussain ibn 'Ali." Encyclopædia Iranica.
• "An account of the death of Hussain ibn Ali."
• "Interactive Family Tree." Happy Books.
• "Imam Hussain in the eyes of non-Muslims." PDF.
• "Martyr of Karbala."
• "Story of Karbala: Maqtal e Abi Mukhnaf."
• "The Third Imam."