Загрос
Загрос - Ирандагы тоо тутуму, Иран тайпак тоосунун түштүк-батышында. Узундугу 1600 км дей, туурасы 200-300 км, бийиктиги 4548 м ге чейин (Зердкух чокусу). Негизинен акиташ жана сланец тоотектеринен түзүлгөн. Түндүк-батыштан түштүк-чыгышка карай жарыш созулган бир нече тоо тизмегинен турат. Алар кууш өрөөндөр менен бөлүнгөн. Карст кубулушу өөрчүгөн. Тоолуу чөл өсүмдүктөрү, түндүк-батышын бадал жана сейрек токой ээлейт, өрөөндөрүндө шор жерлер, көл бар. Нефть кендери ачылган.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074-5