Taksi

Taksi

Taksi ya iku angkudan umum kang nggunakaké montor kanggo ngangkud penumpang. Taksi lumrahé nggunakaké mobil jinis sédan, nanging ing nagara-nagara liyané ana uga taksi jinis van kang bisa ngangkud luwih akèh penumpang lan barang.

Tarif taksi diitung nganggo rong cara,

• kanthi nggunakaké argomèter-diitung kanthi otomatis gumantung adohé let kang ditempuh
• miturut kasepakatan-penumpang lan sopir nyetujoni tarif sadurungé utawa sawisé perjalanan

Bedané taksi karo angkudan umum dharat kang modhèren liyané kaya ta bus ya iku cacahé penumpang. Yèn bus ngangkud akèh penumpang nanging taksi mung kamot 4 penumpang, awit taksi nggunakaké montor. Taksi lumrahé ngangkud penumpang kang ana ing kalompok tinamtu.

Montor kanggo taksi

Ford Falcon ing Australia (Taksi)

Montor kang akèh digunakaké minangka taksi ya iku:

• Ford Crown Victoria ing Amérikah Sarékat.
• Ford Falcon ing Australia.
• Holden Gemini ing Indonésia.
• Holden Commodore ing Australia.
• Mitsubishi Lancer ing Indonésia.
• Nissan Sunny ing Indonesia.
• Ford Laser ing Indonesia.
• Toyota Crown Comfort ing Jepang, Singapura, dan Hong Kong.
• Nissan Cedric ing Jepang, Singapura, dan Indonesia.
• Mercedes Benz E Class ing akèh nagara kaya ta Cina,Éropah,Indonesia
• Volkswagen Passat ing Jerman.
• Volkswagen Santana ing Cina.
• Toyota Vios Limo ing Indonesia.
• Toyota Corolla ing Thailand,Filipina,dan Indonesia.
• Toyota Camry ing Taiwan lan Timur Tengah.
• Hyundai Accent ing Indonesia
• Proton ing Malaysia

Istilah "taksi" uga kena ngarah ing angkudan umum liyané saliyané montor kang ngangkud penumpang kang cacahé mung sithik, kaya ta taksi air. Taksi iki sabeneré mung wujud prau.

Taksi air

Taksi air wujud prau kang ana mesiné. Taksi air lumrahé diséwa kanggo lelungan ing wayah kang tinamtu. Taksi air akèh tinemu ing kutha-kutha kang diliwati kali gedhé kaya ta Palembang, Samarinda utawa ing pinggir tlaga kaya ta Parapat, Tarutung.