Sermersooq
Sermersooq (opinbert nafn á grænlensku: Kommuneqarfik Sermersooq) er sveitarfélag á suðvestur- og austurströnd Grænlands sem stofnað var 1. janúar 2009.[1]. Innan sveitarfélagsins er Nuuk, höfuðstaður Grænlands. Íbúafjöldi var um 24.000 árið 2022 og er þetta fjölmennasta sveitarfélag landsins. Það nær yfir byggðarlögin (og samnefnd fyrrverandi sveitarfélög) Ammassalik og Ittoqqortoormiit á austurströndinni, og Ivittuut, Nuuk og Paamiut á suðausturströndinni.
Sveitarfélagið er 635.600 km²[2] að flatarmáli og er það næstvíðfeðmasta sveitarfélag í heimi eftir Avannaata. Að sunnan liggur það að sveitarfélaginu Kujalleq.
Í norðvestri liggur Sermersooq að sveitarfélaginu Qeqqata, og enn norðar að Qaasuitsup-sveitarfélaginu. Í norðri liggur það að Þjóðgarði Grænlands. Eina samgönguleiðin milli austur- og vesturhluta sveitarfélagsins er reglubundið flug flugfélagsins Air Greenland.
Tilvísanir
[breyta | breyta frumkóða]- ↑ Landstingslov nr. 15 af 5. december 2008 om Grønlands inddeling i landsdele og kommunet | http://www.lovgivning.gl/gh.gl-love/dk/2008/ltl/ltl_nr_15-2008_kom_inddel/ltl_nr_15-2008_dk.htm Geymt 29 júní 2009 í Wayback Machine
- ↑ [Kanukoka sameiginlegur vefur grænlensku sveitarfélagana http://www.kanukoka.gl/12630 Geymt 24 september 2008 í Wayback Machine]
Ítarefni
[breyta | breyta frumkóða]- Vefur Sermersooq sveitarfélagsins Geymt 25 desember 2008 í Wayback Machine
| Sveitarfélög |  | |
|---|---|---|
| Svæði utan sveitarfélaga | ||
| Helstu þéttbýlissvæði | ||