Medicamento

Medicamento
subclasse de: droga, pharmaceutical product[*]
parte de: pharmacia
Commons: Pharmaceutical drugs

Un medicamento es qualcunque substantia medicinal e su associationes o combinationes destinate a su utilisation in personas o in animales, que se presenta dotate de proprietates pro prevenir, diagnosticar, tractar, alleviar o curar maladias o pro affectar functiones corporal o le stato mental. Tamben se considera medicamentos ille substantias medicinal o lor combinationes que pote esser administrate a personas o animales con alcun de iste fines, mesmo si se offere sin explicite referentia a illos.

Le medicamentos legalmente recognoscite per le autoritate pharmaceutic se divide in:

• Specialitate pharmaceutic
• Formula magistral que es le medicamento destinate a un patiente individualisate, preparate per le pharmaceutico, o sub su direction, pro complir expressemente un prescription facultative detaliate del substantias medicinal que include, secundo le normas technic e scientific del arte pharmaceutic, dispensate in su pharmacia o servicio pharmaceutic e con le debite information al usator.
• Preparation o formula medicinal que es ille medicamento elaborate e garantite per un pharmaceutico o sub su direction, dispensate in su officina de pharmacia o servicio pharmaceutic, enumerate e describite per le formulario, destinate al livration directe al personas malade qui es servite per iste pharmacia o servicio pharmaceutic.
• Medicamento prefabricate que es un medicamento que non se adjusta al definition de specialitate pharmaceutic e que se commercialisa in un forma pharmaceutic que pote utilisar se sin necessitate de tractamento industrial e al qual le autoritate pharmaceutic confere autorisation e inscribe in le Registro correspondente.

Vide etiam

• antibiotico
• dose
• excipiente
• forma galenic
• medicamento cytostatic
• pharmacia
• pharmacocinetica
• pharmacologia
• prospecto
• recepta medic o prescription
• uso rational del medicamentos
• droga