Magnoliopsida

Za systematiske rozrjadowanje žiwochow eksistuja wjacore namjety. Tu wobjednawany takson njewotpowěduje tuchwilu w serbskej Wikipediji wužiwanej systematice.

Magnoliopsida su takson rostlinow z kmjena krytosymjenjak (Magnoliophyta abo Angiospermae). Jich embryjo wobsedźi kaž wšě dwuschadźikate kćenjowe rostliny dwě schadźenkowej łopješki. Hinak hač při tych su pak próški „monocolpat“ (jednowłóžojte), wone wobsedźa tuž jenož jeničku włóžu. Tuta je jenož w elektroniskomikroskopiskim přiwzaću widźomna. Tutón takson so tež jako Palaeo-Dicotyledone woznamjenjenja.

Znutřka krytosymjenjakow reprezentuja Magnoliopsida kćenjowe rostliny, kotrež su zemskostawiznisce zahe nastałe a potajkim hišće relatiwnje jednore přiznamjenja pokazuja. Tak wobsedźa dołho žiwy korjeń z najčasćišo wotewrjenymi w kružkach zrjadowanymi powodnymi snopami. Łopjena su jednory twarjene a syćožiłkojte. Zwjetša so namaka tam kćenjowu wobalku, kotraž je šrubowje abo w třo-ličbnych přaslenkach rjadowana. Stamena su často w mnohoće na składźe (polyandriski). P łodowe łopješka su najčasćišo swobodne (choricarp).

Systematika

Magnoliopsida su najskerje parafyletiske, to rěka wone wopřijimaja najskerje nic wšěch potomnikow jich poslednjeho zhromadny prjedownika. Wone so do pjeć podklasow poddźěluja, kotrež wobsahuja dźewjeć porjadow. Cyłkownje so rozeznawa něhdźe 8000 družinow.

• Podklasa (Nymphaeidae)
  • Nymphaeales
• Podklasa Ceratophyllidae
  • Ceratophyllales
• Podklasa Chloranthidae
  • Chloranthales
• Podklasa (Magnoliidae)
  • (Magnoliales)
  • (Laurales)
  • Canellales
  • (Piperales)

• Njepřirjadowane su dotal izolowane porjady:
  • (Austrobaileyales)
  • Amborellales z jeničkej družinu:
    • Amborella trichopoda

---

Hlej tež: Rosopsida