Europski šwinc
| |
| systematika | |
|---|---|
| domena | Eukaryoty |
| swět | Zwěrina |
| rjadownja: | cycaki (Mammalia) |
| nadswójba: | psyče (Canoidea) |
| swójba: | kuny |
| podswójba: | šwincy |
| wědomostne mjeno | |
| Meles meles | |
| Linnaeus (1758) | |
| rozšěrjenišćo | |
| |
Europski šwinc (Meles meles) je rubježne zwěrjo ze swójby kunow a jedna ze štyrjoch družinow rodu Meles, kotrež płaćachu hišće hač do 2000tych lět jako jenička družina.
Wón je w cyłej Europje wot Britiskich kupow a Iberiskeje połkupy při Atlantiskim oceanje hač k Wolze, ke Kawkazej a do Afghanistana žiwy. Šwincy w druhich kónčinach Azije słušeja k druhim družinam. Sewjerna hranica rozšěrjenišća je polarny kruh. Šwincy su tež na někotrych kupach Srjedźozemskeho morja, nic pak na Balearach, Kreće a Rhodosu.
Šwincy bydla zwjetša w hórkatej, lěsojtej krajinje, hdźež twari swoju jamu při skłoninach. Ma jara šěroki cyrobny spektrum, kotryž saha wot wudźenkow přez insekty, małe cycaki, pólny płód hač k jahodkam.
Šwinc ma šwižnu hłowu, rydłu podobnu klamu a sylne tlapy, z kotrymiž móže derje hrjebać. Je wot hłowy hač k tyłowej mjez 64 a 88 cm dołhi a ma 11 do 18 cm dołhi wopušk. Waži přerěznje mjez 7 a 14 kg, zrědka tež hač 17 kg. Sančki su něšto mjeńše a lochše. Charakteristisce je čorno-běła rysowanka hłowy.
Systematika
[wobdźěłać | žórłowy tekst wobdźěłać]- Europski šwinc (Meles Meles)
- Aziski šwinc (Meles leucurus)
- Zakawkaski šwinc (Meles canescens)
- Japanski šwinc (Meles anakuma)
Wotkaz
[wobdźěłać | žórłowy tekst wobdźěłać]
Commons: Meles Meles – Zběrka wobrazow, widejow a awdiodatajow