Adolf Hitler

Adolf Hitler
	Adolf Hitler
	; Hitler, 1938 me
	Germany ke Führer
	In office; 2 August 1934 – 30 April 1945
Preceded by	Paul von Hindenburg, President
Succeeded by	Karl Dönitz, President
	Germany ke Chancellor
	In office; 30 January 1933 – 30 April 1945
President	Paul von Hindenburg; (1933–1934)
Vice Chancellor	Franz von Papen; (1933–1934)
Preceded by	Kurt von Schleicher
Succeeded by	Joseph Goebbels
	Nazi Party ke Führer
	In office; 29 July 1921 – 30 April 1945
Deputy	Rudolf Hess ; (1933–1941)
Preceded by	Anton Drexler (Party Chairman)
Succeeded by	Martin Bormann (Party Minister)
Janam	20 April 1889; Braunau am Inn, Austria-Hungary (abhi ke Austria)
Maut	30 April 1945 (aged 56); Berlin, Nazi Germany
Political party	Nazi Party (from 1920)
Other political; affiliations	German Workers' Party (1919–1920)
Spouse	Eva Braun (m. 1945; d. 1945)
Cabinet	Hitler cabinet
Signature
	Military service
Allegiance	German Empire; Weimar Republic; Nazi Germany;
Service/branch	* Imperial German Army Bavarian Army; ; Reichswehr;
Years of service	1914–1920
Rank	Gefreiter
Commands	German Army (from 1941); Army Group A (1942);
Battles/wars	* World War I Western Front First Battle of Ypres; Battle of the Somme Template:WIA; Battle of Arras; Battle of Passchendaele; ; ; World War II;

Adolf Hitler(20 April 1889 – 30 April 1945), ek Austria me paeda bhais German politician rahaa, jon Nazi Germany ke dictator 1933 se, uske maut talak, 1925 talak rahaa. Adolf Hitler, Nazi Party ke neta ban ke, 1933 me Germany ke Chancellor banaa. 1934 me uu Chancellor ke position ke badal ke "Chancellor aur Leader" kar diis. 1934 me Germany ke President, Paul von Hindenburg ke maut ke baat, Hitler, Chancellor aur President ke position ke ek kar kae apne puura Neta hoe gais.

September 1939 me Poland ke invasion ke baad, World War II suruu hoe gais. Uu sab military operation me puura haanth liis rahaa aur uske haanth 6 million Jews ke maut me rahaa.

Hitler ke janam Braunau am Inn, Austria-Hungary me bhais rahaa aur uu 1913 me Germany chalaa gais. World War I me, Hitler German Army me serve karis rahaa aur uske Iron Cross milaa rahaa. 1919 me uu German Workers' Party (DAP), jon Nazi Party se pahile waala party rahaa, ke member banaa aur uske 1921 me Nazi Party ke leader banaawa gais rahaa. 1923 me uu Munich me ek coup kare ke kosis karis aur uske paanch saal ke jail karaa gais rahaa. Lekin uu khaali ek saal talak jail me rahaa, jahaan pe uu aapan autobiography, "Mein Kampf (hamaar larrai) ke likhis rahaa. Uske jail se chhutkaara ke baad uske janata se support mila jab uu Treaty of Versailles ke attack karis, pan-Germanism ke promote karis aur antisemitism, aur anti-communism ke baare me bhaasan diis. November 1932 talak Nazi Party, Reichstag me sab se barraa party rahaa lekin iske majority nai rahaa. Pahile ke chancellor Franz von Papen aur duusra and other conservative leaders President Paul von Hindenburg pe dabao daalin ki Hitler ke Chansellor banaawa jaae. aur uu 30 January 1933 ke Chancellor banaa. Iske kuchh din Sh Reichstag, Enabling Act of 1933 ke pass karis jisse Weimar Republic Nazi Germany me badle lagaa.

2 August 1934 me Hindenburg ke maut ke baad, Hitler head of state aur sarkar ban gais aur uske absolute power dewa gais rahaa. Hitler racist policy ke implement karis jisme uu Jews ke satais. Uske pahila chhe saal ke power me, Germany ke economy jor se barrhaa rahaa. Uu dher jagha jahan pe German log des se baahar rahat rahin ke Germany ke niche kar liis rahaa. Uu des ke sena ke aur taagatwar banais, aur 1 September 1939 me jab uu Poland ke invade karis tab France aur Britain, Germany pe larrai declare kar diin aur World War II suruu hoe gais. 1941 talak Germany Europe ke lagbhag sab des ke aapan niche kar liis. 1941 ke end me America larrau me join kar liis aur 1945 me Germany ke haar hoe gais. 29 April 1945 me Hitler aapan partner, Eva Braun se saadi kar liis aur agle din duuno atm-hatya kar liin.

Palwaar

Hitler ke pitaji, Alois Hitler, Maria Schicklgruber ke ilegitimate larrkaa rahaa. Baptismal register me uske pitaji ke naam nai hae aur suruu me uske surname "Schicklgruber" rahaa. 1842 me Alois ke maiya, Johann Georg Hiedler ke saathe saadi karis. 1876 me Alois ke legitimate kar dewa gais jab uske baptismal record me Johan Georg Hiedler ke uske pitaji likha gais, lekin likha gais naam "Georg Hitler" rahaa. Iske baad Alois aapan surname "Hitler" ke kaam me laae lagaa.

Ek Nazi official ii suggest karis rahaa ki Alois ke maiyaa ek Jewish palwaar me housekeeper rahii aur ii palwaar ke 19 saal ke umar ke larrkaa, Leopold Frankenberger, Alois ke pitaji rahaa, lekin iske baare me koi sabuut nai hae.

Jawaani ke din

Bachpan aur sikchhaa

Adolf Hitler ke janam 20 April 1889 me Braunau am Inn, Austria-Hungary ke ek toen jon Germany ke border ke nagiich hae, me bhais rahaa. Uu Alois Hitler ke ke chhe larrkan me se chauthaa rahaa aur uu Alois ke tiisra aurat ke larrkaa rahaa. Hitler ke tiin bhaiyaa-bahini janam ke time mar gar rahin. Uske ghar me Alois ke duusra saadi ke larrkan, Alois Jr, aur Angela rahat rahin. Jab Hitler tiin saal ke rahaa tab uske ke palwaar Passau, Germany me jaae ke rahe lagin, lekin 1893 me Alois, kaam ke kaaran, Austria laut aais lekin uske palwaar passau me rahin. Passau me Hitler, Bavarian dialect me baat kare lagaa. 1894 me uske palwaar Austria laut ke Leonding me rahe lagin. 1895 me Alois retire hoe ke Hafeld me rahe lagaa jahaan pe uu madmakkhi paalat rahaa.

Hafeld me baap-beta me larrai hoe lagaa, kaaheki Hitler school me baat nai sunat rahaa. Aath saal ke Hitler gaana gaae ke lesson liis aur church ke choir me gaawat rahaa aur padri bhi bane ke sochis. 1898 me uske palwaar Leonding fir se laut gais. Hitler aapan chhota bhaiyaa ke maut se bahur pareshaan rahaa. Uu apne me rahe lagaa aur school me bully rahaa aur aapan pitaji aur teacher log se larrat rahaa.

Hitler ke pitaji maangat rahaa ki Hitler, uske rakam customs me kaam kare lekin Hitler isme interested nai rahaa. Hitler ke uske manjuur ke virod me ek classical high school me bheja gais lekin Hitler jaan ke achhchhaa se nai parrhis.

Hitler's father, Alois, c. 1900

Hitler's mother, Klara, 1870s

Aur dher German Austrian ke rakam Hitler German nationalism me biswas kare lagaa. Hutler aur uske friend log ek duusre ke "Heil" bol ke greet karat rahin aur Germany ke national anthem gaawat rahin. 3 January 1903 me Alois mar gais aur Hitler ke performance school me aur kharaab hoe lagaa. Uske maiyaa uske duusra school bhejis lekin koi faedaa nai bhais aur uu school choorr diis.

Vienna aur Munich me

Ii ghar Leonding, Austria me, jahaan Hitler aapan jawani me rahaa

*The Alter Hof in Munich*, ek watercolour painting jiske Hitler 1914 me banais rahaa

References

Aur parrho

Alan Bullock (1991). Hitler and Stalin: Parallel Lives. HarperCollins. ISBN 0-679-72994-1.
Alan Bullock. Hitler: A Study in Tyranny. ISBN 0-06-092020-3.
Michael FitzGerald (2006). Adolf Hitler: A Portrait. ISBN 1-86227-322-7.
Joachim Fest (2002). Hitler. Harvest Books. ISBN 0-15-602754-2.
Ian Kershaw (1999). Hitler 1889-1936: Hubris. W W Norton. ISBN 0-393-32035-9.
Lothar Machtan (2001). The Hidden Hitler. Basic Books. ISBN 0-465-04308-9.

Duusra websites