Sete marabillas de Portugal

As Sete Marabillas de Portugal foron elixidas nunha votación popular que comezou o 7 de decembro de 2006 e que tivo unha duración de sete meses, feita vía Internet, teléfono ou mensaxes de texto. Esta selección fíxose co apoio do Ministerio da Cultura de Portugal.

A escolla partiu dos 794 monumentos nacionais clasificados polo IPPAR, que foron reducidos primeiro a 77 monumentos e logo a 21 por un comité de especialistas, que tiveron en conta unha serie de criterios técnicos e culturais.

O día 7 de xullo de 2007 (o día sete do mes sete do ano sete), despois do voto de máis de 350.000 portugueses, fíxose pública a lista dos sete monumentos elixidos.

Monumentos vencedores

#	Nome	Localización
1	Castelo de Guimarães, século X	Guimarães, Distrito de Braga 41°26′53″N 8°17′25″O / 41.44806, -8.29028
2	Castelo de Óbidos, 1195	Óbidos, Distrito de Leiria 39°21′49″N 9°9′26″O / 39.36361, -9.15722
3	Mosteiro da Batalha, 1385	Batalha, Distrito de Leiria 39°39′32″N 8°49′33″O / 39.65889, -8.82583
4	Mosteiro de Alcobaça, 1153	Alcobaça, Distrito de Leiria 39°32′54″N 8°58′48″O / 39.54833, -8.98000
5	Mosteiro dos Xerónimos, 1502	Santa Maria de Belém, Lisboa 38°41′52″N 9°12′24″O / 38.69778, -9.20667
6	Palacio da Pena, 1838	Sintra, Lisboa 38°47′16″N 9°23′26″O / 38.78778, -9.39056
7	Torre de Belém, 1521	Santa Maria de Belém, Lisboa 38°41′30″N 9°12′57″O / 38.69167, -9.21583