Está a uns 60 km ao sur de Split e a 140 km ao norte de Dubrovnik e forma parte daa rexión dálmata. É unha cidade balneario marítima, que fica xusto enfronte da illa de Hvar. O seu transpaís inmediato presenta elevadas formacións montañosas da cadea dos Alpes Dináricos, que case chegan até o mar, como son o monte Vosac (1.421 m) e o Monte Biokovo, coa súa cima, Sveti Jure (1.726 m). Desde Makarska existen excursións organizadas para ascender a ambos os dous cumes.
