Iñaki Urdangarin

Iñaki Urdangarin

(2010)
Biografía
Nacemento	(es) Iñaki Urdangarin Liebaert 15 de xaneiro de 1968 (56 anos) Zumarraga, España
Residencia	Vitoria (2022–)
Educación	Esade ESADE Business School (en) Col·legi Casp - Sagrat Cor de Jesús (en)
Actividade
Ocupación	balonmanista, recluso (pt)
Período de actividade	1986 - 2000
Deporte	balonmán
Posición de xogo	Lateral
Traxectoria   Equipo 1986–2000 FC Barcelona
Participou en
2000	Xogos Olímpicos de 2000
1996	Xogos Olímpicos de 1996
Outro
Título	Duque (1997–2015)
Cónxuxe	Cristina de Borbón e Grecia (1997–2023), divorcio
Fillos	Juan Urdangarin e de Borbón, Pablo Urdangarin e de Borbón, Miguel Urdangarin e de Borbón, Irene Urdangarin e de Borbón
Pais	Juan María Urdangarin Berriochoa   e Claire Françoise Liebaert Courtain
Condenado por	Prevaricación fraude Falsificación Tráfico de influencias embezzlement of public funds (en) fraude fiscal (pt)
Premios
Gran Cruz da Orde da Coroa de Carballo  Gran Cruz da Real Orde do Mérito Deportivo

Iñaki Urdangarin Liebaert, nado en Zumarraga (Guipúscoa) o 15 de xaneiro de 1968, é un ex xogador de balonmán español e esposo da Infanta de España Cristina de Borbón. Ten tratamento de excelentísimo señor. Entre 1997 e 2015 foi Duque consorte de Palma, por mor da súa voda coa Infanta. Debido ao escándalo do Caso Nóos, no que estaba involucrado, o Rei Filipe VI revogoulle a concesión do título ducal á súa irmá, polo que o propio Iñaki Urdangarin tivo que deixar de empregalo. O 18 de xuño de 2018 entrou no cárcere de Brieva (Ávila) para cumprir unha condena de cinco anos e 10 meses.

Traxectoria

Como xogador

Despois de pasar polo BM Guadalajara, xogou profesionalmente na sección de balonmán do Futbol Club Barcelona durante 14 tempadas, entre 1986 e 2000. Co FC Barcelona gañou 6 Copas, 2 Recopas e 4 Supercopas de Europa, ademais de 10 Ligas ASOBAL, 7 Copas do Rei, 9 Supercopas de España, 3 Copas ASOBAL e 11 ligas catalás.

Foi internacional pola Selección de balonmán de España en tres Xogos Olímpicos, contribuíndo á consecución de dúas medallas de bronce nos Xogos Olímpicos de Atlanta 1996 e Sidney 2000, ademais dunha medalla de bronce nun Europeo. No ano 2000 retirouse da competición.

Consorte

O 4 de outubro de 1997, casou coa infanta Cristina de Borbón na Catedral de Santa Eulalia de Barcelona, ocasión pola cal o rei concedeu á súa filla o título de Duquesa de Palma de Mallorca. Tiveron catro fillos que ocupan os postos do oitavo ao undécimo no orde de sucesión ao rei Xoán Carlos I:

• Juan Valentín de Todos los Santos, Grande de España, nado o 29 de setembro de 1999.
• Pablo Nicolás de Todos los Santos, Grande de España, nado o 6 de decembro de 2000.
• Miguel de Todos los Santos, Grande de España, nado o 30 de abril de 2002.
• Irene de Todos los Santos, Grande de España, nada o 5 de xuño de 2005.

Acusado de corrupción

En novembro de 2011, Urdangarin e os seus socios foron investigados no caso Babel, derivado da investigación do caso Palma Arena. O 10 de novembro apareceu nos medios de comunicación a noticia dunha probable imputación por un suposto desvío de diñeiro público desde o Instituto Nóos que presidía.

Mediante un comunicado, La Zarzuela apartou a Iñaki Urdangarin dos seus actos oficiais o 12 de decembro de 2011, porque o seu comportamento non era «exemplar» para a Casa do Rei.

O 29 de decembro de 2011 foi imputado polo xuíz José Castro, e citouse para comparecer o día 6 de febreiro de 2012, podéndose atrasar esta data se así é de interese para a súa representación. Dous días despois da imputación, o xuíz Castro aceptou atrasar a declaración de Urdangarin como imputado ao día 25 de febreiro. A declaración do imputado durou máis de 22 horas, durante o día 25 e a madrugada do 27 de febreiro; declarou que non coñecía a existencia de empresas para desviar diñeiro público, culpou a Diego Torres e asegurou que o papel da infanta Cristina na trama empresarial era soamente testemuñal e que o rei pediulle que se desvinculase das súas actividades profesionais.

Palmarés como xogador

FC Barcelona

• Títulos internacionais:

• 6 Copas de Europa: 1990-1991, 1995-1996, 1996-1997, 1997-1998, 1998-1999 e 1999-2000.
• 2 Recopa de Europa de balonmán: 1993-1994, 1994-1995.
• 4 Supercopa de Europa de balonmán: 1995-1996, 1996-1997, 1997-1998, 1998-1999.

• Títulos nacionais:

• 10 Liga ASOBAL:
• 7 Copa do Rei de balonmán:
• 9 Supercopa de España de balonmán:
• 3 Copa ASOBAL:
• 11 Liga Catalá de Balonmán:

Selección española

Foi 154 veces internacional coa Selección española, coa que participou en 9 grandes eventos internacionais:

• Xogos Olímpicos de Barcelona 1992: quinto.
• Xogos Olímpicos de Atlanta 1996: terceiro e medalla de bronce
• Xogos Olímpicos de Sidney 2000: terceiro e medalla de bronce
• Mundial Júnior de España 1989: segundo e medalla de prata.
• Mundial de Suecia 1993: quinto.
• Mundial do Xapón 1997: sétimo.
• Mundial de Exipto 1999: cuarto.
• Europeo de Portugal 1994: quinto.
• Europeo de Croacia 2000: terceiro e medalla de bronce

Títulos nobiliarios

• Excelentísimo señor don Iñaki Urdangarin, duque consorte de Palma de Mallorca (desde o 4 de outubro de 1997 ata o 11 de xuño de 2015).

Distincións

• Gran Cruz da Real Orde do Mérito Deportivo (2001).

Véxase tamén

Ligazóns externas

• Iñaki Urdangarin no sitio oficial da Casa Real