Landa velado
| Landa velado | |
|---|---|
 | |
| sporta fako • speco de sporto | |
| sporto | |
| Fakoj | |
| Kulminaj konkursoj | |
| Internacia federacio | |
| Rilataj paĝoj | |
| Kategorio:Sporto | |
Landa velado (aŭ neakva velado) estas movado de veturilo kun radoj aŭ sketiloj, kiu uzas nur ventoenergion por la antaŭpelado. Ĝin direktas stiranto. Landa velado okazas ofte sur strandoj, vintre sur glacioj.
La unua mencio de landa velado okazis en la 1600-aj jaroj. Modernaj landaj velveturiloj estas plej ofte kajakoj sur tri radoj aŭ sketiloj kaj kun velo. La veturilo estas direktebla per movebla antaŭa rado. La radoj estas ofte ŝanĝeblaj al sketiloj tiel vintre povas okazi glacivelado.
Specifa formo estas tiu veturilo, kiu uzas veldrakon anstataŭ simpla velo.
Monda rekordo
[redakti | redakti fonton]Mondan rekordon atingis en 1999 la usona Bob Schumacher (piloto) kaj Bob Dill (dizajnisto) per „Iron Duck“ ĉe vento inter 25 kaj 30 knotoj la rapidecon de 175,5 km/h. Tiun rekordon superis la Greenbird en 2009 kun 202,9 km/h.
Velaj veturiloj
[redakti | redakti fonton]Blackbird estas eksperimenta, helic-pelita vela veturilo, konstruita por demonstri la eblon veli rekte kontraŭvente kaj pli rapide ol la vento.