Dioika
Dioika aŭ duplanta, unuseksa estas tia planto, kiu portas sur la sama plantindividuo florojn nur de unu sekso: aŭ virseksajn, aŭ inseksajn. Do, la individua planto estas unuseksa. Tia fenomeno estas nomebla duplanteco, ĉar du divers-seksaj plantoj necesas por la reproduktiĝo. Ĝia malo estas la monoika (duseksa, unuplanteca) planto, sur kiu evoluas floroj de ambaŭ seksoj.
Dioikaj estas ĉe la gimnospermoj ĉiuj cikasaloj (Cycadales), la ginko kaj kelkaj gnetofitoj. La ses procentoj de la angiospermaj specioj estas dioikaj, tio estas pli ofta ĉe dukotiledonaj plantoj ol ĉe unukotiledonaj. Multaj dioikaj specioj estas en la familioj de Laŭracoj, Menispermaceae, Miristikacoj, Eŭforbiacoj, Morusacoj kaj Urtikacoj. La specioj de Salikacoj estas senescepte dioikaj.