Sac'h-dorn

Maouezed e Pariz e 1799 gant o seier-dorn. E-kerzh an Dispac'h gall zoken e oa galloud gant ar c'hiz

Un itron gant he sac'h-dorn, war-dro 1860

Ur sac'h-dorn zo ur sac'h da zougen en dorn, hag a servij d'ar merc'hed da lakaat pezh o devez ezhomm pa vezont o pourmen e kêr : yalc'h, alc'hwezioù, paperoù, lunedoù, melezourig, fardoù hag all. Ur c'hodell vras zo ennañ ha meur a c'hodell vihan alies. Douget e vez en dorn, met darn zo deuet da vout seier-[[skoaz}} kentoc'h.

Ur rikoù diouzh ar c'hiz eo ar sac'h-dorn, hag un dra da ziskouez eo ivez, hag a c'hall bezañ gwerzhet ker-ruz gant marc'hadourien veur ar c'hiz.

Istor

Seier a veze gant ar maouezed e meur a boblad amerindian ; seier-labour a oa ivez, peogwir e tastument delioù koka (Erythroxylum coca) e seier danvez.

En Europa e veze paneroù kentoc'h gant ar maouezed pa'z aent da brenañ diankajoù. N'eo ket ar maouezed a renk uhel a brene o boued : ar mitizhien a oa graet evit se, ha paneroù eo a veze ganto. Seier bihan avat a veze gant o mestrezed pan aent da redek ar stalioù-dilhad.

Lennegezh

Er pezh-c'hoari The Importance of Being Earnest gant Oscar Wilde e oa bet kavet Jack Worthing en ur sac'h-dorn (handbag) e porzh-houarn Victoria Station e Londrez pa oa nevez-c'hanet, ma lavar Lady Bracknell, danvez e vamm-gaer : "A handbag?" — un doare sac'h-dorn brasoc'h e ranke bezañ.

• 
  Krokodiled troet da seier-dorn, zoo Bristol, Bro-Saoz
• 
  En India
• 
  E Perou
• 
  En Istanbul, Turkia
• 
  E neud koad baobab, Zimbabwe
• 
  Dooney and Bourke, Norwalk, Connecticut
• 
  Birkin, Hermès, Pariz
• 
  Burberry, Londrez
• 
  Cartier, Pariz
• 
  Vera Bradley, Roanoke, Indiana
• 
  Vuitton, Pariz
• 
  E kotoñs denim
• 
  E mezell

Sellit ouzh ar ger sac'h-dorn er
wikeriadur, ar geriadur frank.