ཀེའུ་ཆང་བློ་བཟང་འཇམ་དབྱངས་སྨོན་ལམ་
ཀེའུ་ཆང་བློ་བཟང་འཇམ་དབྱངས་སྨོན་ལམ་ ཁོང་ནི་རབ་བྱུང་བཅུ་གཉིས་པའི་ས་མོ་སྦྲུལ་ལོ་སྟེ་སྤྱི་ལོ1689ལོར་སྐུ་འཁྲུངས། འདས་ལོ་མི་གསལ། དགུང་ལོ་གཞོན་དུས་ནས་དབུས་ལྷ་ལྡན་དུ་གྲྭ་སྐོར་མཛད་དེ་མཁས་པར་གྱུར། ཁོང་ནི་མདོ་ཁམས་བྲག་མགོ་དགོན་པའི་བླ་མ་ཡིན་ལ། གྲུབ་མཐའ་ནི་རི་བོ་དགའ་ལྡན་པའི་རིང་ལུགས་འཛིན་པ་པོ་ཡིན། ཁོང་གི་གསུང་རྩོམ་ནི《བླ་མའི་རྣལ་འབྱོར་བྱིན་རླབས་མྱུར་འཇུག་》དང་། 《གདམས་ངག་སྐྱེ་བཟང་མ་》། དྲིས་ལན་སྣ་ཚོགས་ཀྱི་སྐོར། ཆབ་ཤོག་སྣ་ཚོགས་སོགས་ཀྱི་སྐོར་བཅས་སྔོན་དཀར་མཛེས་དགོན་གྱི་དཔེ་ཐོ་ཞིག་ཏུ་ཀ་ནས་ཉའི་བར་པོ་ཏི་བརྒྱད་ཡོད་པར་འཁོད་ཀྱང་། ད་ལྟ་མི་རིགས་རིག་གནས་ཕོ་བྲང་དུ་ཀ་ཁའི་པོ་ཏི་གཉིས་ལས་བཞུགས་མེད་དོ། །