Кіпр (востраў)

Кіпр
Касмічны здымак Кіпра. У цэнтры вострава бачная цёмная паласа. Гэта афіялітавы комплекс Троадас, фрагмент акіянічнай кары зніклага акіяна Тэціс
Характарыстыкі
Плошча	9 251 км²
Найвышэйшы пункт	Алімп 1952 м
Насельніцтва	1 058 300 чал. (2006)
Шчыльнасць насельніцтва	114,4 чал./км²
Размяшчэнне
35°10′ пн. ш. 33°21′ у. д.
Краіна	Кіпр
Кіпр
Медыяфайлы на Вікісховішчы

Кіпр (грэч. Κύπρος, турэцк.: Kıbrıs, англ.: Cyprus) — трэці па велічыні востраў у Міжземным моры, плошчай 9 251 кв. кіламетр, геаграфічна адносіцца да Азіі. Ён працягнуўся на 240 км з усходу на захад, а ў шырыню дасягае 100 км з поўначы на поўдзень. Кіпр размешчаны ў паўночна-усходняй частцы Міжземнамор'я на адлегласці 380 км ад Егіпта, 105 км ад Сірыі і 75 км ад Турцыі.

36% тэрыторыі кантралюе Турэцкая Рэспубліка Паўночнага Кіпра, 3,7% — ААН (буферная вобласць), 2,7% — Вялікабрытанія (ваенныя базы Акратыры і Дэкелія), астатняе — Рэспубліка Кіпр.

Геаграфія

Асноўны артыкул: Геаграфія Кіпра

Рэльеф

Большая частка вострава занята горамі. Уздоўж паўночнага берага ў шыротным кірунку цягнецца горны ланцуг Кірэнія. Шырыня яе ў заходняй часткі — 15 км, на ўсходзе яна пашыраецца да 25—30 км. Заходняя частка хрыбта Кірэнія больш высокая; асобныя вяршыні перавышаюць 1 тыс. м. Самая высокая кропка хрыбта — гара Акраманда (1023 м). Паўднёва-заходняя палова вострава занята шырокім горным масівам Троадас, зрэзаным падоўжнымі рачнымі далінамі. Найбольш высокая яго паўночная частка, тут знаходзіцца і самая высокая кропка Кіпра — гара Алімп (1952 м).

Клімат

Сярэднія тэмпературы на Кіпры:

Пара года	Сярэдняя тэмпература днём	Сярэдняя тэмпература ўначы
зіма	10-20 °C	5-12 °C
вясна	20-30 °C	15-20 °C
лета	25-40 °C	25-35 °C
восень	15-30 °C	10-20 °C

Спасылкі

• На Вікісховішчы ёсць медыяфайлы па тэме Кіпр (востраў)

•  Вікісховішча: Атлас: Кіпр (востраў) 
• Гісторыя Кіпра Архівавана 22 студзеня 2010.