Pangur Bán
| Tipu | poema |
|---|---|
| Llingua orixinal | irlandés antiguu |
| Publicación | sieglu IX |
 | |
Pangur Bán, tamién Mise agus Pangur Bán, ye un poema n'irlandés antiguu, escritu nel sieglu VIII alredor de l'abadía de Reichenau. Foi escritu por un monxu irlandés y trata del so gatu, llamáu «Pangur Bán», «batán blancu». A pesar de que'l poema ye anónimu, tien semeyances cola poesía de Seduliu Escotu, lo que fizo que dellos estudiosos especulen que Seduliu ye l'autor. N'ocho estrofes de cuatro llinies, l'autor compara les actividaes de gatu coles sos propies actividaes académiques.[1]
El poema calténese nel Primer de Reichenau (tift St. Paul Cod. 86b/1 fol 1v), agora curiáu n'abadía de San Pablo de Lavanttal. Una edición crítica del poema foi publicada en 1903 por Whitley Stokes y John Strachan nel segundu volume del Thesaurus Palaeohibernicus.[2] La más famosa de les munches traducciones al inglés ye la de Robin Flower. Na traducción de Wystan Hugh Auden, el poema foi clasificáu por Samuel Barber como l'octavu de los sos diez Cantares d'ermitañu (1952-3).
Na película animada de 2009 El secretu de Kells, fuertemente inspirada na mitoloxía irlandesa, unu de los personaxes secundarios ye un gatu blancu llamáu Pangur Bán, que llega en compañía del monxu Aidan d'Iona. Más tarde na película, el personaxe Aisling, cantando, llánza-y un conxuru que-y dexa convertirse temporalmente nuna criatura fantasmal.
Referencies
[editar | editar la fonte]Referencies
[editar | editar la fonte]- Greene, David; Frank O'Connor (1967). A Golden Treasury of Irish Poetry, AD 600–1200. Londres: Macmillan. 1990, Dingle: Brandon. ISBN 0-86322-113-0.
- Stokes, Whitley; John Strachan (1904). Thesaurus Palaeohibernicus: A Collection of Old-Irish Glosses, Scholia, Prose and Verse. Cambridge University Press.
- Tristram, Hildegard L. C. (1999). «Die irischen Gedichte im Reichenauer Schulheft», Peter Anreiter and Erzsebet Jerem (eds.): Studia Celtica et Indogermanica: Festschrift für Wolfgang Meid zum 70. Geburtstag. Budapest: Archaeolingua, páx. 503–29. ISBN 963-8046-28-7.
Enllaces esternos
[editar | editar la fonte]| Control d'autoridaes |
|
|---|
Datos: Q2624870