Farmacognosia
| Farmacognosia | |
|---|---|
| especialidá | |
 |
La pallabra farmacognosia remanez del griegu y ta formada por "φάρμακο" (fármacu, melecina) y "γνώσης" (conocencia). Foi emplegada por primer vez por Seydler en 1815 n'Analecta Pharmacognostica. La farmacognosia ye la ciencia que s'ocupa del estudiu de les drogues y les sustancies melecinales d'orixe natural: vexetal, microbianu (fongos, bacteries) y animal. Estudia tanto sustancies con propiedaes terapéutiques como substancies tósiques, escipientes o otres sustancies d'interés farmacéuticu, les cuales tengan un usu básicamente teunolóxicu y non terapéuticu. Considérase una rama de la farmacoloxía.
Oxetivos de la Farmacognosia
[editar | editar la fonte]- Determinar l'orixe sistemáticu: la especie (vexetal o animal) d'aú remanez la droga.
- Establecer les carauterístiques morfoanatómiques: tanto macroscópiques y microscópiques, como organoléptiques, que permiten la carauterización de la droga y el determín de la planta melecinal en cuestión.
- Investigar los métodos afayadizos de producción de les drogues (a pequeña y a gran escala): cultivu, ameyora, recoyeta, conservación, estraición de los entamos activos, etc.
- Establecer la composición química de la droga: tanto cualitativa como cuantitativamente, sobremanera no que cina a entamos activos.
- Obtener los estrautos de les drogues que contienen los entamos activos.
- Controlar la calidá de les drogues: guetar métodos pa comprebar los conteníos requeríos d'entamos activos, afitar l'ausencia de ciertos productos tósicos y torgar adulteraciones y falsificaciones.
- Establecer les propiedaes farmacolóxiques de les drogues (la so actividá)
- Investigar nuevos entamos activos que puean constituyir un puntu de partida pal diseñu de nuevos fármacos nel futuru.