Himno de Sicilia

L'himno de Sicilia ye clamato Sicilia, Patria Mia.

A musica ye de Carlo Muratori y o texto ye de Massimo Costa.

Parolas

Jardinu di bidhizza e di splinnuri

Isula jittata 'n-menzu di lu mari,

Terra filici chî so tanti ciuri,

nun n'abbàstanu l'occhi pi taliari.

Cca li tri Cuntinenti s'incuntraru

pi dàrisi la manu o pi luttari,

Adi e Pirsèfuni si maritaru;

amuri e sangu sempri a cuntrastari.

Sicilia, Sicilia, tutti cèrcanu a Idha,

Sicilia, Sicilia, di civirtati stidha,

china di luci e vita, amuri e fantasìa,

Sicilia, Sicilia, Tu si' la Patria mia.

Cca vìnniru li Greci e Saracini

chi s'immiscaru poi cu li Nurmanni;

un Pòpulu chi senza li catini

avìa un Regnu riccu, forti e granni.

A cu' la mala signurìa ni detti

dèttimu cu lu Vespru na licioni;

arrispunemu juncènnuni tutti

e tannu addivintamu na Nacioni.

Sicilia, Sicilia, etc.

Cu Garibaldi la Sicilia critti

d'avìrinni ricchizza e libirtati;

n'arrispuneru cu li bajunitti,

emigracioni, mafia e puvirtati.

Mentri parìa ca jìamu tutt'ô funnu

si senti un gridu di l'antichi tempi;

dici 'a Sicilia 'n-faccia a tuttu 'u munnu:

"Nuàutri semu un Pòpulu pi sempri!".