Kwant

In dr Füsik bezäichnet dr Begriff Kwant (vo latiin. quantum ‚wie grooss‘, ‚wie vil‘) en Objekt, wo dur e Zuestandswäggsel im ene Süsteem mit diskrete Wärt von ere füsikalische Gröössi, mäistens Energii, erzügt wird.

Kwante chönne immer nume in bestimmte Porzione vo dere füsikalische Gröössi ufdräte, si sin also d Kwantlig vo deene Gröössene.

Quantisierti Gröösse wärde im Raame vo dr Kwantemechanik und Däiilgebiet vo dr theoretische Füsik wie dr Kwantenelektrodünamik beschriibe.

Bischbil

• S Foton as Kwant vom elektromagnetische Fäld. Fotone chönne zwar underschidligi diskreti Energiiniwoo haa, aber nume as Ganzes erzügt oder vernichdet wärde.
• S Fonon as Kwant vo mechanische Verzerrigswälle im Festkörper.
• S Plasmon as Kwant von ere Aaregig im Festkörper, wo d Laadigsdrääger bin ere gegenenander schwinge.
• S Magnon as Kwant vo magnetische Aaregige.
• S Kwant vom Dräiimpuls, wo nit as Däili interpretiert wird.
• S Gluon as Kwant vom Chraftfäld, wo die starki Wäggselwirkig überdräit.
• S Grawiton as Kwanteligsgröössi vom Schwerfäld.

Dr Begriff Kwant

Vilmol wird mit em füsikalische Begriff Kwant e Däilicharakter von ere füsikalische Gröössi assoziiert. Das isch aber nume äi Däil vo dr äigetlige Bedütig vom Begriff. E Bischbil für e Kwant, wo nid dr Charakter vom ene Däili het, isch s Dräiimpulskwant.

As füsikalische Terminus wird Kwant nit brucht, zum die atomari Struktur vo dr Materie z bezäichne, au wenn s doo au e chliinsti Mängiäihäit (Quantelig) git.

Weblingg

• Iifüerig in d Kwantefüsik ooni Formle
• Experimänt mit äinzelne Kwante (Fotone)

Dä Artikel basiert uff ere fräie Übersetzig vum Artikel „Quant“ vu de dütsche Wikipedia. E Liste vu de Autore un Versione isch do z finde.