Parma isch ä oberitaliänischi Grossschtadt mit 178.718 Iiwohner (Groossruum: 425.000 Iiwohner) in der südweschtlige Poebeni. Parma lit in der Region Emilia-Romagna, wo im Norde an d Lombardei und Venetie, im Weschte und im Süde an d Bärg vom toskanisch-romagnolische Apennin und im Oschte an d Adria gränzt. Näbe Mailand, Turin, Genua, Bologna, und Venedig isch Parma sit de Industrialisierig im Königriich Idalie ä füehrends Wirtschaftszentrum vo Norditalie, mit Schwerpunkt in der Nahrigsmittelindustrii. So isch Parma wäge siine Parmesanchäs (Parmigiano Reggiano), de Parmaschingge und nit zletscht as Sitz vo international dätige Unternähme wie dr Nudelfabrikant Barilla oder der Parmalat Spa (Milchprodukt) bekannt. Au d Erfolg vom Fuessballklub AC Parma hai massgäblig zum Bekanntheitsgrad vo der Schtadt bidrait (AC Parma: Europacupsiiger vo du Cupsiiger 1993, UEFA-Cup-Sieger 1995 und 1999).
Parma het än altehrwürdigi Universidet (wo noch dr mittelalterlige italiänische Dradition zu de so genannte Universitates Citramontanorum ghört), än internationale Flughafe (Aeroporto di Parma Giuseppe Verdi) und lit verkehrsgünschtig an erä Hauptautibahn, wo vo Mailand über Rom bis Kalabrien füehrt.
Commons: Parma – Sammlig vo Multimediadateie