Oman

	سلطنة عمان; Saltanat Uman; Sultanat Oman
{{{ARTIKEL-FLAGGE}}}	{{{ARTIKEL-WAPPEN}}}
Amtsspraach	Arabisch
Hauptstadt	Maskat
Staatsoberhaupt	Haitham bin Tariq Al Said
Regierigschef	Haitham bin Tariq Al Said
Flächi	309.500 km²
Iiwohnerzahl	2.534.000 (2004)
Bevölkerigsdichti	8,2 Iiwohner pro km²
Bruttoinlandsprodukt pro Iiwohner	9.070 US-$ ((2004))
Währig	1 Rial Omani (R. O.) = 1.000 Baizas
Unabhängigkeit	1971
Nationalhimne	Ya Rabbana Ehfid Lana Jalalat Al Sultan
Zitzone	UTC+4
Kfz-Kennzeiche	OM
Internet-TLD	.om
Vorwahl	+968

S Sultanat Oman, (arabisch سلطنة عمان / salṭanat ʿumān) lit am Südoschtegge vo der Arabische Halbinsle. Es gränzt im Nordweschte an die Vereinigte Arabische Emirat, im Weschte an Saudi-Arabie und im Südweschte an Jemen. Zum Staatsgebiet ghört au d Halbinsle Ruus al-Jibal am Kap Musandam, wo nördlig vom Territorium vo de Vereinigte Arabische Emirat an der Schdrooss vo Hormuz lit, d Exklave Madha, wo vo de Vereinigte Arabische Emirat umschlosse isch und d Gruppe vo de Kuria-Muria-Insle und d Insle Masirah vor der Oschtküschte vom Land. D Küschte wird begränzt vom Arabische Meer im Süde und Oschte und vom Golf vo Oman im Nordoschte. D Schdaatsgränze im Landesinnere si nit exakt feschtgleit. S Land isch ä chli chliiner as Dütschland.

Bevölkerig

Oman isch eins vo de Länder vo der Ärde, wo am dünnschte besiidlet si. Öbb 5% vo der Bevölkerig läbe no as Nomade. Zwüsche 1994 und 2004 isch d Bevölkerig um 1,8% gwaggse. Zum schdiigende Bevölkerigswaggstum in de letschten Johr hai vor allem die usländische Arbetnähmer bidrait:

550.000 (1950)
1.060.000 (1980)
2.340.000 (2003)

34,9% vo der Omaner si 2004 jünger als 15 gsi, die durchschnittligi Läbeserwartig isch im gliiche Johr 75 Johr gsi. Der Adeil vo der schdedtische Bevölkerig isch 2004 uf 78% agwaggse. 2003 hai 1.781.558 Omaner und 559.257 Usländer im Land gläbt. In de Hafeschdedt läbe zahlriichi Inder, Pakistaner, Bangladeschi und Filipinos; vili vo de Usländer im Nordoschde schdamme us Oschtafrika.