Öffentlig-rächtlig

Dr Begriff öffentlig-rächtlig nimmt allgemäin Bezuug uf d Rächtsmaterie vom Öffentlige Rächt.

As Rächtsbegriff wird er zum Bispil im Zsämmehang mit Instituzioone und Organisazioone verwändet, wo ufgrund vom öffentlige Rächt iigrichdet si und mä sä dorum zu käiner vo de Rächtsforme vom Brivaaträcht cha zueordne.

Bispil für Rächtsforme vom öffentlige Rächt:

• Gebietskörperschaft (z Dütschland: d Länder, d Gmäinde, d Landkräis und z Bayre d Bezirk, z Ööstriich: dr Bund, d Bundesländer, d Gmäinde, in dr Schwiz: d Kantöön, d Gmäinde, z Frankriich: d Regione, d Departemänt und d Gmäinde, usw.)
• Körperschaft vom öffentlige Rächt z Dütschland, z Ööstriich und in dr Schwiz
• Aastalt vom öffentlige Rächt (e juristischi Persoon vom öffentlige Rächt, wo iiri Ufgoobe ufgrund vom ene Gsetz woornimmt. In dr Schwiz reedet mä vilmol vom service public.)
• Stifdig vom öffentlige Rächt

S Adjektiv wird aber au für öffentlig-rächtligi Rächtsverheltniss oder öffentlig-rächtligi Handligsforme im Verwaltigsrächt verwändet.

Im tüpische Fall si öffentlig-rächtlig verfasst:

• dr öffentlig-rächtlig Rundfunk,
• öffentlig-rächtligi Kreditinstidut
• öffentligi Versicherer

Im Brozässrächt git s:

• öffentlig-rächtlige Händel (wenn dr Geegestand vom Händel d Folg vom ene Sachverhalt isch, wo noch em öffentlige Rächt muess beurdäilt wärde.

Kwelle

Dr Ardikel «Öffentlich-rechtlich» uf dr dütsche Wikipedia

Bitte gib au Achtig uf dr Hiwis zue Rechtstheme!