Wanabsorpsie
Pasiënte wat aan wanabsorpsie ly, neem genoeg voedsel in, maar kan nie die voedsel as genoegsame hoeveelhede energie vanaf die verteringstelsel na die res van die liggaam vervoer nie. Sulke pasiënte verloor dikwels gewig as volwassenes en as dit by kinders voorkom, groei sulke kinders nie genoegsaam nie.
Moontlike oorsake
[wysig | wysig bron]Moontlike oorsake van wanabsorpsie sluit in:
Wanneer die pasiënt 'n ooraktiewe skildklier het, skei die skildklier te veel van die hormoon tiroksien af. Alle organe funksioneer dan teen 'n ekstra vinnige pas en veroorsaak dat die lyers bewe, 'n warm vel ervaar, hul oë uitstoot, oormatig sweet, gewig verloor, diarree ontwikkel, 'n vinnige hartklop kry en sensitief raak vir hitte.
Gewasse
[wysig | wysig bron]Wanneer die dunderm 'n gewas of kanker bevat, sal inflammasie ontstaan wat dan diarree en wanabsorpsie sal veroorsaak.
Chirurgie
[wysig | wysig bron]Chirurgie aan die maag of derms, kan inflammasie veroorsaak en tot wanaborpsie lei terwyl die pasiënt besig is om te herstel.
Coeliakie-siekte
[wysig | wysig bron]Persone wat aan Coeliakie se siekte ly, kan nie gluten verteer nie. Enige kos wat gluten bevat, lei dan tot diarree, ongemak, gewigsverlies, winderigheid en 'n opgeswelde maag.
Ander oorsake
[wysig | wysig bron]Ander oorsake van wanabsorpsie sluit in:
- Divertikulêre siekte
- Diabetes wat ongediagnoseer of ongekontrolleer is
- Crohn se siekte
- siektes van die lewer, en
- siektes van die galblaas
Minder algemene oorsake van wanabsorpsie sluit in:
- Sistiese fibrose
- 'n tekort aan verteringsensieme
- Bassen-Kornzweig sindroom
- sekere medikasies (bv. metformin)
