Filmjölk
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Filmjölk (soms afgekort tot fil) is tans 'n sambreelterm wat veral in Swede en Finland na 'n verskeidenheid soorte kultuur- of dikmelk verwys. Soortgelyke suiwelprodukte word egter ook in ander Noord-Europese lande en selfs in verafgeleë wêrelddele gemaak.[1]
Etimologie
[wysig | wysig bron]Die term fil was oorspronklik die afkorting van filbunke - 'n woord wat in Norrland (Noord-Swede) na 'n melkgereg verwys het soos dit ook in baie ander landsdele van Swede genuttig word, maar nie presies dieselfde is nie - alhoewel die meeste Norrlanders tans ook na industrieel vervaardigde filmjölk as fil verwys.
In Sentraal-Swede is na filmjölk vroeër ook as surmjölk verwys. 'n Nou verwante term word daarnaas ook in die omgangstaal van Noorweë gebruik waar dié suiwelproduk amptelik as kulturmelk (Nynorsk kulturmjølk) bekend staan.