17 Julie

17 Julie is die 198ste dag van die jaar in die Gregoriaanse kalender (199ste in skrikkeljare). Daar volg nog 167 dae in die res van die jaar.

Gebeure

• 561 – Pous Johannes III volg Pous Pelagius I op.
• 1048 – Pous Damasus II volg Pous Clemens II op.
• 1700 – Pous Innocentius XII verklaar Augustine Gazotich salig.
• 1754 – Pous Benedictus XIV verklaar Seraphina (Sueva) Sforza salig.
• 1755 – Die Doddington strand by Voëleiland in Algoabaai.
• 1775 – Pous Pius VI stel Francesco Maria Banditi, Theat., aartsbiskop van Benevento en Ignazio Gaetano Boncompagni-Ludovisi, referendaris van die hooftribunaal van die Signatura vir Geregtigheid en Genade aan as kardinale.
• 1815 – Napoleontiese Oorloë: Napoleon gee by Rochefort, Frankryk, aan Britse magte oor.
• 1932 – Leeudoringstad-spoorwegramp: 'n Goederetrein met 'n vrag van 1200 ton dinamiet ontplof by Leeudoringstad in Suid-Afrika.
• 1936 – Die Spaanse Burgeroorlog, wat tot 1939 sou duur, begin met 'n militêre staatsgreep deur die regse nasionaliste onder generaal Francisco Franco in Spaans-Marokko.
• 1955 – Disneyland word geopen in Anaheim, Kalifornië.
• 1967 – Die onbemande ruimtetuig Surveyor 4 stort op die maan neer.
• 1996 – Die Gemeenskap van Portugese Lande word deur Angola, Brasilië, Guinee-Bissau, Kaap Verde, Mosambiek, Portugal en São Tomé en Príncipe in Lissabon gestig.
• 1999 – Penny Heyns van Suid-Afrika behaal in Los Angeles twee maal 'n wêreldrekord vir borsslag oor 200 m. Haar beste tyd is 2:24,51.
• 2014 – 'n Boeing 777, Malaysia Airlines-vlug 17, word deur militantes neergeskiet in die ooste van die Oekraïne. Al 298 insittendes sterf in die ramp.

Geboortes

• 1899 – James Cagney, Amerikaanse akteur († 1986).
• 1911 – Yang Jiang Chinese dramaturg, skrywer, en vertaler († 2016).
• 1917 – Phyllis Diller, Amerikaans aktrise en komediant († 2012).
• 1935 – Diahann Carroll, Amerikaanse aktrise († 2019).
• 1935 – Donald Sutherland, Kanadese akteur († 2024).
• 1947 – Koningin Camilla van die Verenigde Koninkryk, gekroon op 6 Mei 2023.
• 1952 – David Hasselhoff, Amerikaanse akteur.
• 1954 – Angela Merkel, Duitse bondskanselier.
• 1960 – Dawn Upshaw, Amerikaanse sopraan.
• 1961 – Zbigniew Zamachowski, Poolse akteur.
• 1965 – Alex Winter, Engelse regisseur, akteur en vervaardiger.
• 1975 – Mara Louw, Suid-Afrikaanse sangeres en aktrise.
• 1987 – Meghan Camarena, Amerikaanse aktrise en regisseuse.

Sterftes

• 855 – Pous Leo IV, 103de pous van die Rooms-Katolieke Kerk (* ±790).
• 1399 – Hedwig van Pole, Poolse koningin (* 1373)
• 1588 – Mimar Sinan, Ottomaanse argitek en siviele ingenieur (* 1489)
• 1790 – Adam Smith, Skotse ekonoom (* 1723).
• 1762 – Pieter III van Rusland, tsaar van Rusland (* 1728)
• 1912 – Henri Poincaré, Franse fisikus (* 1854).
• 1942 – Tinus de Jongh, Suid-Afrikaanse skilder (* 1885).
• 1943 – Sir Patrick Duncan, Britse politikus en sesde Goewerneur-generaal van Suid-Afrika (1937–1943) (* 1870).
• 1945 – Ernst Busch, Duitse veldmaarskalk tydens die Tweede Wêreldoorlog (* 1885).
• 2015 – Jules Bianchi, Franse F1-renjaer (* 1989).
• 2022 – Jessie Duarte, Suid-Afrikaanse ANC-politikus (* 1953).

Vakansies, vierings, en waarnemingsdae

• Feesdag van Pous Leo IV in die Rooms-Katolieke Kerk.
• Verjaarsdag van die koning van Lesotho.