San Maurizzi
San Maurizzi (latin: Mauritius; Tebe, ... - Agaunum, 287 circa) a l'è staa on soldaa roman. A l'è veneraa 'me sant de la Gesa Catolega.
Agiografia
[Modifega | modifica 'l sorgent]Per i agiografii, el saria staa on general de l'Imperi roman, el capp de la famosa Legion tebana (fada de soldaa egizzian), che la combatteva in Mesopotamia in tra el III e 'l IV secol, e che intorna al 300 l'è stada spostada in de l'Europa central, despoeu che l'aveva refudaa de fà di spedizzion per perzepità i cristian. Donca el San Maurizzi el saria staa martirizaa intorna al 287 a Agaunum (incoeu Saint-Maurice), duranta i persecuzzion del Dioclezzian.
Patron
[Modifega | modifica 'l sorgent]A l'è 'l patron di Alpin e l'è veneraa el 22 de settember. El sò culto l'era ben spantegaa in del Medioev (soratutt in de la zona alpina, francesa, svizzera e germanega), e l'era devegnuu adrittura el sant patron del Sacher Roman Imperi.
In de la zona lombarda, San Maurizzi a l'è patron de:
- Cassan Magnagh
- Cocaj
- Colgiaa
- Gignes
- Incuden
- Losen
- Pont
- Redondesch
- San Maurizzi (frazzion de Cologn)
- Solbiaa Arno