Indó

indó
Rekstrarform	Hlutafélag
Stofnað	19. september 2018
Stofnandi	Haukur Skúlason Tryggvi Björn Davíðsson
Staðsetning	Reykjavík, Ísland
Lykilpersónur	Haukur Skúlason, framkvæmdastjóri Tryggvi Björn Davíðsson, stofnandi
Starfsemi	Bankastarfsemi
Vefsíða	www.indo.is

Indó sparisjóður hf. (stílsett sem indó) er íslenskur sparisjóður sem býður upp á bankaþjónustu fyrir einstaklinga. Þjónusta sparisjóðsins fer að mestu leyti í gegnum smáforrit, þar sem einstaklingar geta stofnað til viðskipta. Meðal þjónustu sem sparisjóðurinn býður upp á eru debetreikningar, VISA-debetkort, sparnaðarreikningar („sparibaukar“) og lán.

Sparisjóðurinn er sá fyrsti og eini sem stofnaður er frá grunni á Íslandi frá árinu 1991, en stofnendur sjóðsins eru Haukur Skúlason og Tryggvi Björn Davíðsson. Sjóðurinn hefur verið nefndur sem „áskorendabanki“, en yfirlýst markmið hans er að veita hefðbundnu viðskiptabönkunum samkeppni með því að rukka ekki gengisálag eða færslugjöld á debetkortum, ásamt því að bjóða hagstæða innlánsvexti.

Saga

Sparisjóðurinn var stofnaður þann 19. september 2018, og opnaði fyrir lokuðum hópi prófara í ágúst 2022. Þann 30. janúar 2023 var opnað fyrir þjónustu til almennings, og gátu þá einstaklingar á íslandi stofnað til viðskipta og opnað debetreikninga og debetkort hjá sjóðnum.

Í lok maí 2023 hóf indó að bjóða upp á óbundna sparnaðarreikninga sem markaðsettir eru sem „sparibaukar“. Fyrrihluta árs 2024 bættust útlan við þjónustuframboð sparisjóðsins í formi yfirdráttar og svokallaðra „fyrirframgreiddra launa“. Yifrdráttarvextir sparisjóðsins eru sambærilegir þeim sem bjóðast hjá viðskiptabönkunum.