1700

Ár

1697 1698 1699 – 1700 – 1701 1702 1703

Áratugir

1681-1690 – 1691-1700 – 1701-1710

Aldir

16. öldin – 17. öldin – 18. öldin

Árið 1700 (MDCC í rómverskum tölum) var 100. og síðasta ár 17. aldar sem hófst á föstudegi samkvæmt gregoríska tímatalinu en hlaupár sem hófst á mánudegi samkvæmt júlíanska tímatalinu sem var ellefu dögum á eftir.

Atburðir

Sigur Svía við Narva eftir Gustaf Cederström frá 1905.

• 1. janúar - Flest ríki mótmælenda í Evrópu tóku upp gregoríska tímatalið.
• 27. febrúar - Eyjan Nýja-Bretland var uppgötvuð.
• 1. mars - Þýskaland og Dansk-norska ríkið tóku upp gregoríska tímatalið.
• 8. mars - Tugir fiskibáta fórust og drukknaði hátt í annað hundrað manns, flestir við Reykjanesskaga.
• 11. apríl - Hvergi var messað á landinu þó páskadagur væri vegna mikillar snjókomu á norðan. Veturinn var því kallaður páskavetur.
• Apríl - Margar byggingar í Gondar í Eþíópíu eyðilögðust í eldi.
• 29. júní - Friðriki 4. konungi voru unnir trúnaðareiðar á Alþingi.
• 20. nóvember - Svíar unnu sigur á Rússum í orrustunni við Narva í Eistlandi.
• 23. nóvember - Giovanni Francesco Albani varð Klemens 11. páfi.
• 28. nóvember - Nýi stíll, gregoríska tímatalið, gekk í gildi á Íslandi. Til leiðréttingar voru 11 dagar klipptir úr árinu þannig að 28. nóvember kom í stað 17. nóvember.

Ódagsettir atburðir

• Norðurlandaófriðurinn mikli hófst og stóð til 1721.

Fædd

• 2. febrúar - Johann Christoph Gottsched, þýskur rithöfundur (d. 1766).
• 8. febrúar - Daniel Bernoulli, svissneskur eðlis- og stærðfræðingur (d. 1782).

Ódagsett

• Æri Tobbi (Þorbjörn Þórðarson), íslenskt skáld.

Dáin

• 12. maí - John Dryden, enskt leikskáld (f. 1631).
• 23. maí - Jens Juel, danskur stjórnmálamaður (f. 1631).
• 15. september - André Le Nôtre, franskur landslagsarkitekt (f. 1613).
• 27. september - Innósentíus 12. páfi (f. 1615).
• 1. nóvember - Karl 2. Spánarkonungur (f. 1661).

Opinberar aftökur

• Andrés Þórðarson úr Borgarfirði, 60 ára, hengdur á Alþingi fyrir þjófnað.