Bretxa (geologia)

Bretxa			Mineral infotaula irakurtzeko era
Arroka sedimentarioa

Bretxa arroka sedimentario mota bat da, konglomeratuarengandik klastoen itxura angulotsuak bereizten duena.

Ezaugarriak

2 mm-tik gorako sedimentuek arrokaren %50a baino gehiago osatzen dute. Klasto hauek angulotsuak dira.

Eraketa

Sedimentu solidoak pilatzen diren eremuetan sortzen da, ibaien goi ibilguetan eta mendialdeko zuloetan. Klasto hauek zementu natural batez elkartuta daude. Sedimentuak askatu diren arroken araberako konposizioa izaten dute.

Motak

Lau bretxa mota ezberdintzen dira:

• Bretxa sedimentarioak: Harriak, hezurrak, maskorrak eta beste gorputz batzuk, sedimentu oso finezko mantu batekin lurperatuak izan dira, solidotutakoan, bere baitan estekatu dituenak. Tilita, adibidez, glaziare bretxa bat da, morrena baten errekarriak buztin geruza sendo batekin estalitakoan eratutakoa. Aldi berean,
• Bretxa tektonikoak: Adibidez minolita. Faila baten bi ezpainak beste baten gainean irristatzerakoan, marruskadura handiaren ondorioz sortutako presioak eta beroak, arroka xehetu dute. Hauen zatirik handienak, ondoren, aglomeratuak geratu dira, txikienek eratutako hautsaren birkristalizazioagatik.
• Sumendi bretxak: Arroka bolkanikoen higakinetaz osaturik daude, erupzioetako labak zimentatuak izan direnak.
• Talka bretxak: Meteorito baten talkak sortarazitako bretxak dira.

Iruditegia

• 
  Bretxa.
• 
  Bretxa.
• 
  Basaltozko bretxa.
• 
  Talka bretxa.
• 
  Bretxazko paisaia, Japonian.

Kanpo estekak

• Datuak: Q191250
• Multimedia: Breccia / Q191250