Halal

Halal (en arabeg : حلال ḥalāl, « aotreet») eo kement tra aotreet gant ar charia, al lezenn islamek, en islam. Komz a reer alies eus kig halal. Koulskoude, ouzhpenn boued hag evaj halal zo : an emzalc'h, ar vuhezegezh, a zo pe halal, aotreet, pe harām, difennet. Dre vras, kement tra n'eo ket difennet splann er « skriturioù islamek» zo aotreet. Met islamourien zo a wel an traoù en un doare all : kement tra ha n'eo ket aotreet splann (ar butun, ar sonerezh rock, evit chom hep ober ul listenn re hir) a zo difennet.

Ar boued

Brudet eo skouer ar boued.

• Haram eo ar c'hig moc'h.
• Haram ivez kig eus loened ha n'int ket bet lazhet hervez reolennoù ar charia.