Stúart-endurreisnin
Stúart-endurreisnin eða endurreisn konungdæmis í Englandi (enska: Restoration) er í sögu Englands heiti á valdatíð síðustu tveggja konunga Englands af Stúartættinni; Karls 2. 1660 til 1685 og Jakobs 2. 1685 til 1688. Á þessum tíma blómstraði veraldleg menning á Englandi, undir áhrifum frá Hollandi og Frakklandi, en áður hafði hreintrúarstefna verið ríkjandi í menningarlífinu á tímum Enska samveldisins sem bannaði meðal annars leikhús og fordæmdi veraldlegar bókmenntir. Endurreisnartímabilinu lauk með Dýrlegu byltingunni þegar Vilhjálmur Óraníufursti rændi völdum á Englandi.
