Galizia-Leongo mendigunea

Galizia-Leongo mendigunea
Galizia-Leongo mendigunea
Datu orokorrak
Mendirik altuena	Pena Trevinca
Garaiera	2.127 m
Mota	mendikate
Geografia
Koordenatuak	43°N 8°W / 43°N 8°W
Estatu burujabe	Espainia
Autonomia	Galizia
Geologia
Material nagusia	Eskisto; Gneiss; Granito
Garaia	Zenozoiko

Galizia-Leongo mendigunea^[1] (galizieraz: Macizo Galaicco; gaztelaniaz: macizo Galaicco-Leonés edo macizo Galaicco-Duriense; portugesez: maciço Galaicco-Duriense) Ourense eta Leongo eta Zamorako probintzien artean dagoen mendi multzoa da.

Tontorrak

Pena Trevinca (2.127 m), Pena Negra (2.121 m) eta Pena Surbia (2.116 m) dira mendirik altuenak. Aipatzekoak dira O Mustallar (1.935 m), Penarrubia (1.822 m), Picco dos Tres Bispos (1.794 m) Cabeza de Manzaneda (1.781 m), Montouto (1.541 m), Formigueiros (1.643 m) eta Pía Paxaro (1.610 m), halaber.

Mendilerroak

Macizo Central ourensán mendiguneak, bestela, serra de Queixa, serra de San Mamede, serra do Fial das Corzas eta Montes do Invernadeiro barne hartzen ditu. O Bolo, Chandrexa de Queixa, Laza, Manzaneda, A Pobra de Trives, Viana do Bolo, Vilariño de Conso, Quiroga, Larouco, Vilar de Barrio, Baños de Molgas, Maceda, Castro Caldelas eta Montederramo udalerrietan zabaltzen da. Cabeza de Manzaneda da tontorrik altuena.

Serra do Eixe, Ourense eta Zamora artean, Pena Trevincako mendigunea barne hartzen du, baita Pena Negra eta Pena Surbia ere. Xares eta Sil ibaien arroak banatzen ditu. A Veiga eta Carballeda de Valdeorras udalerrietan zabaltzen da.

Iparralderago, Ourense eta Leon artean, Serra dos Ancares dugu, Picco Cuíña, Miravalles, O Mustallar, Picco de Lagos, Pena Longa, Penarrubia eta Picco dos Tres Bispos tontorrak bertan daude. Honen hegoaldean Serra do Courel dago, Montouto, Formigueiros eta Pía Paxaro mendiekin.