François Quesnay
François Quesnay (prununzia: /fʁɑ̃swa kɛnɛ/; natu 4 di ghjugnu di 1694 in Méré, Yvelines - mortu 16 di dicembre di 1774 in Versailles) fù un economistu francese di a scola di i fisiocrati. Hè cunnisciutu pè avè publicatu u "Tableau Économique" (Tavulone Economicu) in 1758, chi pose e base di l'idee fisiocrate. Era ancu prubabilmente a prima prova di fà u riassuntu di u funziunamentu di l'economia di manera glubale, è analitica. Hè dunque una contribuzione maiò à u pinsamentu economicu.
